#1
|
|||||||
|
|||||||
يافيض دجلة الوفي
أتعنه ليك بدمع .....يسجب على الوجنات
وشايل همومي الك..ضيم ومرض واهات انت التداوي العلل.....والعمر بس علات ونتاكَ يا سيدي........ بين العدل والمات وحكَك ما الي والي ولاعـــــون نحيل وخلصت دموعي ولاعون وبكَــايا الروح تبجيلك ولاعون تريـــــد ويـــــاك يالمبعد عليه لاتبتعد يَلأمل....والله الكَلب محتــــار ينطر ثواني الك..ومشتعله بيه النـــــار ماادري شنهو السده.وشنهوالجره والصار والليل امسه سهر.......وبصورتك محتار تصعد الحد السمه.......وتنزل عليه انوار يافيض دجلة الوفي.......ويا غنوة السمار يانسل حيدر علي.......وياضنوة المختار ياشمس وكت الضحه...والنور منك غار لفتة كرم ياشهم........وحاتم بسدك صار يحزام ظهر الوكَع...وغنوة يتامه زغار نظــــــراتك يبو الاحرار وردن ومثل زهرات وكت الصبح وردن طفت الشام وارض ايران وردن جنس محضور مو مثل البريه فقره الوطن تنتظر....يــــاسيدي وتتناك ميضيع هذا البلد....ندري الوطن بحماك بس كَول باجر اجه..وشوف الزلم تفداك وتهتف يتامه الوطن... يابو الفخر حياك كلهم بيارغ عزم....... اي والذي سواك اجيك واعتني الشخصك واحيلك واحب تراب البجدمك وحيلك اظل سهران بودادك وحيــلك ليالي طـــــوال يالمبعد عليه |
|
|
|