لا تبجيها..لا تبجيها

لا تبجيها..لا تبجيها
هاي بنيتك..ياوليها
&&&
بالدار وظلت حيرانه..كل ظنها تاخذها وياك
طفله ومهمومه بعلته..عاشت ترعاها بحماك
تطعمه جنت تشافيها..من تاخذ كلشي بيمناك
رادت وياك وتاخذها..وتباري رقيه بممشاك
عين عليها ..وعين عليها
هاي بنيتك..ياوليها
&&&
لوتبقه الطفله وحدها..تدريها بسرعه وتنظام
لايمها الام واخوتها..ولايمها الوالد و اعمام
عاشت مهمومه بديرتها..وللوحشه يراد احزام
ماشافت نومه ولا حلمت..ولا ساعه شافت احلام
هم البيها..هم البيها
هاي بنيتك..ياوليها
&&&
كامت تشكي هيه تناشد..والليل اليسمع شكوتها
حيطان البيت الحزنانه.وحشه اعليكم من وحشتها
افراكك هد حيلي يابويه..لو تعرفها شكد لوعتها
محد واسها بغيابك..بس نوح وتنزل دمعتها
وتواسيها..وتواسيها
هاي بنيتك..ياوليها
&&&
جانت طلبته ومنوتها..وي رقيه تروح اليوم
ظلت مهمومه وحيرانه..وتعاين ظلت للكوم
مثل الطيره الفكدت امها..هيج عليهم هيه تحوم
بالدرب اتناطر اخباره..من والدها تريد اعلوم
تودي ليها..تودي ليها
هاي بنيتك..ياوليها
&&&
عاشت بالدار تناجيها..وحدها تناجيها الدار
اخبار تريد يوصلوها..تريد يوصلها الاخبار
محتاره اتناشد واليها..وتناشد واليها شصار
ظلت محتاره ومهمومه..مهمومه والكلب احتار
منهو يجيها..منهو يجيها
هاي بنيتك..ياوليها
&&&

خادم اهل البيت
ابو علي السعيدي

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

التوفيق الدائم في هذا

المشوار النبيل

وربي يسلمكم ويحفظكم ان شاء الله

دعائي لكم دائما