يهظمني يانوحك..واتفكد اجروحك

يهظمني يانوحك..واتفكد اجروحك
بهموم واحزان وقهر..حالي
&&&
ارخصت لجلك اربعه وفو وعدهم
وصيتهم كلهم خدم وانت اسدهم
اخوتك وكت الموزمه انته تعدهم
لن شوكه بعيون العده كلمن يضدهم
احزامك لظهرك..طوع ورهن امرك
بالشده لو صار الخطر..حالي
&&&
الراح من عندي بعد كلي شيجيبه
بدنيانه مايبقه بشر هاي العجيبه
ياابني بفراكك صرت ام المصيبه
ربيتك بدمعي كبرت طاهر حليبه
من عمري لعمرك..ابروحي ظل كسرك
وتحملت يمه السهر..حالي
&&&
امك صرت يبني برحيل الزهره
اشبر بطولك بالنظره كل نظره
يوميه اتباوع الك جم مره
عديت عمرك واكبرت من يدره
خط القلم حبرك..شمكتوب من دهرك
محزوز يبني من النحر..حالي
&&&
ايام عشت واخدمك امك تراني
وياك من شفت الشهد راح وجفاني
خلاني بدموعي وحزن ابني وحناني
شبت روحي من الالم فكده عماني
بالروح ظل جمرك..اشدد عزم ازرك
وامشيت كل مني النظر ..حالي
&&&
اربع اولادي الك كلهم سويه
افديهم لنسل النبي وامه الزجيه
ماهابو الموت ارحلو وي المنيه
وصيتهم بيك وعلي اعظم وصيه
يطيعون كل امرك..واصدورهم صدرك
يحمون زينب هالشهر..حالي
&&&
ام البنين ومن عشت لجل حسين
ربي خلقني بخدمته بذاك الحين
لازم اوافي بالعهد لل سبطين
وانذر حياتي وخدمتي ليوم الدين
نرتوي من نهرك..ونلتزم وبصبرك
فاز بدمائه وانتصر..حالي
&&&
خادم اهل البيت
ابو علي السعيدي

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

التوفيق الدائم في هذا

المشوار النبيل

وربي يسلمكم ويحفظكم ان شاء الله

دعائي لكم دائما