خدام الطغاة تموت وتروح

[color=rgb(220, 20, 60)] لا تسال علينه شلون ومنيـــــــن خدام احنه اسمنه لسبط طـــــــه خدام ونظل للمــــــوت خـــدام وخدمتنــــه شرف بيهه انتباهه منصتنــه لحسين وتاج عالراس وشرف كلمن صعدهه واعتلاهه ومو احنه الدخيل بخدمة احسين بغفلــــه من الزمن طب وأجاهه كتبناهه القصيده بوكت مشؤوم لا مـــــــو باليسر وكت النفاهه شاعرنـــــه كتبهه وبايع الروح واجه الرادود من دمــــه قراهه ولاعدنه قلم مجد طواغيــــــت نبوس اجدامهه ونامل رجاهــه خدام الطغاة تمــــــوت وتروح وخدام الحسيـــــن ايرف لواهه قصايدنه شجر مزروعه بالكاع وباجر بالحشر نقطف جناهــــه امس دعبل كتبهه ودخل تاريخ ومدى الاجيال ظل فايح شذاهه قراهه وشال تابوته على الراس يدور عالمنيه ومالكاهــــــــــــه بقصيدتنه مواقف تشهـــد الساح لوت جف الزمان وما لـــــواهه جانت عالمنابر توكف اتصيـــح جلمه وما اظن واحد نساهــــــه ابد والله ماننساك يحسيــــــــــن ولعنان السمه يوصل صداهـــه عدنه اقلام خطت احرف بنــــور ومن حيدر علينه يشع ضواهــه واقلام النفاق انختمـــــــت بعار ولعنات الزمن تركض وراهــه وتبآ للقصيده العافت احسيـــــن ظلت بايره ومحد خذاهـــــــــه وهاي آخر حجايه وأختم البيت غصبآ عاليضد والمارضاهـــه فدوه للجفوف الخدمت احسيــن والخدمــت ظلــم آه امداهــــــه [/color]