أنه أخوك الحسن جاي .. فاطمه امك معاي

..
..
المستهل
....
آنه أخوك الحسن جاي ... فاطمه أمي معاي
بربعينك ياحُسين
........
بربعينك جيت خويه ..وامي وياي بدمعها
خويه من كثر البواچي ... بيدها لزمت ضلعها
حومرت صطره البخدها ... الأثر بين من جزعها
تصيح حا يحسين تلطم ... عالصدر هيج وجعها
أبد ماشربت الماي ... فاطمه الزهره معاي
بربعينك ياحسين
..........
وآنه جيت بسم دليلي ... بذاك چبدي اللي تگطع
أرد أسولف شوگ عندي .. أتگلي خيي منك أسمع
وارد أذكرك من ربينه ... أثنينه أبطيّب المرضع
هم صدگ ذيچ اليالي ... البيها عشنه أبلمّه ترجع
بشوفتك أروي ظماي ... فاطمه أمي معاي
بربعينك ياحسُين
.......
كون أشوفك كون أقبلك ... بالنحر وأگعد بسدك
وادري يبن الزهره أدري .. تندفن لا راس عندك
وچبدي بالسم من تگطع ... ونته هم أنگطع چبدك
آنه كلكم چنتوا يمي ... ونته عالتربان وحدك
دم بچت لجلك سماي ... فاطمه أمي معاي
بربعينك ياحسين
......
القاسم أبني بعز شبابه ... أنته ربيته أعله أيدك
فدوه يحسين أبني دمه ... يروح فدوه الدم وريدك
خويه دليني أعله لحدك ... هاي أمي اهنا تريدك
نشدت أعله الطفل بعده ... فوك صدرك ظل وليدك
تصيح يانسمة هواي ... فاطمه الزهره معاي
بربعينك ياحسُين
......
ياگبر ظمهم لخوتك ... وين الاكبر خويه گبره
اربعه أمن أم البنين ... اتناشد أعليهم الزهره
وينه عباس اٍله گلبي ... حن عليه وستعر جمره
تگول نعم الاخو الوفه ... وضحه يحسين ألك عمره
تبچي من تسمع بچاي ... فاطم هامي معاي
بربعينك ياحسُين
.........
خويه يم گبرك بچيها ... أبلا رحم تلطم صدرها
أمن الألم يحسين طاحت ... عالگبر أحنت ظهرها
شمته لتربته الگبرك ... صاحت أشطيب عطرها
وآنه أصبر گمت بيها ... فگدت الزهره صبرها
يمك أرد أنصب عزاي ... فاطمه الزهره معاي
بربعينك ياحسُين
........
سيد عدنان الحمامي
.......