|
#1
08-22-2019, 05:32 PM
|
||||||||||
|
||||||||||
حسدووني .. يعباس .. يعيوني .. يعباس
ببسمه تعالى
.... المستهل ..... حسدوني – عباس يعيوني – عباس ..... خويه حسدوني عليها – محبتي بگلبك محلها يالتعز اختك معَزه – خويه لا ميصح مثلها انته أخوها بعزّة أمها__ مثل ابوك امدلل الها مثلك ايطيع اخته ماظن –أمن اخوة الوادم وصلها شراووني – عباس يعيوني – عباس ...... ليك من أشتاگ آنه – شيلتي كلسا اشمها عطر چفينك عليها – من هوه الجنه نسمها بيدك اتعدلها ليّه – لونسيم ايهب يلمها تبتشر لمن تجيها – تهمس اتسمعك بسمها حرموني – عباس يعيوني – عباس ..... تدري يابدر الهواشم—منك اكبر أختك آنه چنت أشوفك احله ولله – أمن الگمر هذا أبسمانه ويه أمك ليك اباري – الكربله ردتك ظمانه شكثر دللناك خويه – وشوفتك نسمة هوانه هظموني – باس يعيوني – عباس ..... عيوني منها عتب أسمع – يوم وجهك ماتنظره يافخر لمك وابويه – وللحسين احزام ظهره يالذي أمك وفيه – وفّت الفاطمه الزهره يوم گالت فدوه أبني – للحسين يروح عمره يسبوني – عباس يعيوني – عباس ...... عاتبت بعدك زماني – يالاخو الماصار مثلك مهجتي ترتوي بعطفك – بالحنان أيصب منهلك بالبساله وصفي يعجز—بالمروه أچبير لهلك بالحرب نظرة أعيونك – منها خصمك چان يهلك ضربوني – عباس يعيوني—عباس .... خذت روحي وخذت عمري—بدرب حزني ضيعتني بعد كل ذاكه دلالي—بيد آلامي عفتني هيبتي ابهيبة وجودك – تبچي هسا لوشفتني بين ايتام وأرامل – بين خيل اللي سبتني يسبوني – عباس يعيوني – عباس ..... سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|