الك من عندي سلام..يابطل يبن الهمام

الك من عندي سلام..يابطل يبن الهمام
بطل سبع الكنطره..لو لزم بيده الحسام
&&&
هذا ابن حيدر علي..كمر ويحيطه الفلك
لو دخل هوه الحرب..كلمن اليوصل هلك
ربك الخصه بصفات..مثله ماواحد ملك
كمر هاشم بالطفوف..سيفه وحده يسئلك
شنهو ردك للكفر..بدينه وبالله جهر
كالت الساعه قيام.. لو لزم بيده الحسام
&&&
تستمع صوته يصيح..يكبر بهذا النداء
اني اسكيها العطاشى..دوري جان بكربلاء
كافل الحره الابيه..سيده كل النساء
من طحت تبجي عليه..دموع تبجيها السماء
ادموعها تنزل مطر..يبجي وياها الشجر
زاد وبكلبه الهيام.. لو لزم بيده الحسام
&&&
صوته ايردد نشيد..مطلعه اسم الحسين
صاح لبيك بهتاف..لو ردت مني المعين
خادمك يبن الرسول..ابقى كل هاي السنين
لو طحت يوم الطفوف..واسمعت خويه الانين
صوتي يبد بالحديث..هوه بس عندي وريث
هوه ينطق بالكلام.. لو لزم بيده الحسام
&&&
بالحرب يوم اليصول..تكول حامي الدخيل
ترتجف منه السباع..لو عرف اسمه الكفيل
انته اتشوف الركاب..بسيفه لحظه ماتطيل
تستمع صوت السيوف..لو دخلها بس صليل
تستمع صوت الصده..تهتز اركاب العده
عليهم يصير الختام.. لو لزم بيده الحسام
&&&
لو عبر يمهم يصيح..تشوف الاف الجنود
يترك السيف ويروح..سيفه ودرعه شهود
يموته صوت النداء..لو عبر هوه الحدود
يطعن بسرعه اليجيه..بسيفه تلكاها الردود
سيفه يتكلم يصيح..يالثارات الذبيح
نسمه يحملها الحمام.. لو لزم بيده الحسام
&&&
نذكره الانطه الجفوف..نذكره ماي السبيل
كمر فارس بالطفوف..كنيته هوه الكفيل
ماشي بدرب الهدايه..وعن سبيله مايميل
طلبته سكنه ورقيه..ماي رادت بس قليل
كصد هوه المشرعه..صار يمها مصرعه
هذا ابن خير الانام.. لو لزم بيده الحسام
&&&
للنهر يوم اعتنه..راح يمها ومارجع
حسين ملهوف ويشوف..صوت من عنده سمع
مني يحسين السلام..خويه ليصيبك فزع
بلغ سكينه السلام..جفي من عندي انكطع
اجفوفي وعيني الك..اي وحك رب الفلك
عيني طفتها السهام.. لو لزم بيده الحسام
&&&
خادم اهل البيت
ابو علي السعيدي