احنه اجنود الج أيا يالعقيله.. حملج لووكع احنه النشيله؟لذكرى استشهاد مولاتي العقيله ع اقول

احنه اجنود الج أيا يالعقيله.. حملج لووكع احنه النشيله

اريد احجي كلامي واستمع وافهم ..مايبقه أبيتي شي عليه اندم
لازم عالمنايا احزام نتحزم..غير السيف ندري ابد مايسلم
بسيف المرتضى حامي دخيله

عاهدنه الضمير وغيره بكل انسان..مانوكف زلم وكفه عل البيبان
نذرنه ارواحنه وخل نكتب العنوان..يادم الشهاده البينه عال الشان
لازم تضحيه لهاي الاصيله

غيرتنه جبير من فزعنه وفود..ننتظرك ياغايب واحنه ليك جنود
حضرنه الدروع وهاي كله شهود..وياكم ترف رايتنه يا موعود
نضحي ارواحنه لجل الكفيله

حراس العقيله هاي كله وياك..تنتظرك يغايب بالعمر تفداك
وسامه بالصدر مخطوط اسمه اهناك..ابلوح المنايا هالاسم خطاك
اه يزينب هالاسم هوه يشيله

نذر عمره وحياته وكال كلماته..هذا ابن المراجل تبان طكاته
يحميه العقيله بدمه واحياته..لاان هيه الشفيعه هناك مولاته
بت حيدر علي الحره الجليله

خله شما حجه هالناصبي علينه..نحميه العقيله وعلي بسبعينه
عاهدنه الحسين اليوم هل جينه..لاايام الطفوف اليوم حنينه
نواسي الزهره بالشي القليله
خادم اهل البيت
ابو علي السعيدي