الك جينه..يوالينه؟ لسان حال زوار الامام الحسين ع اقول؟

الك جينه...ياوالينه
نزورك احنه بالفطره ..نطفي الشوگ والحسره

مشتاگين تدرينه



اجينه انزور ابو اليمه...نشكيلـه هضايمـنـه


نتسابگ بلهفه وشوگ...وبحضرتـه اتجمعنـه


نريد العالم من انسير...كون بهـاي يفهمنـه


نضحي بالنفس والمال...هذي مـن عقايدنـه



تبقى موجّره الجمره... لضنوة فاطمه الزهره

لدرب الخير تهدينه




اجت لحسين هالـزوار...متعنيـه وتـدك بابـه


تمشي له وتعد اهمـوم...وي كل خطوه بترابـه


حـزن والام هالغربـه...وخطر ماتنحصي اسبابه


نناشد من ابـو اليمـه...الامل شو طوّل اغيابه؟



اليمته الغايب انّطره... الگلب مجروح شيصبره

نريد احضور مهدينه



تحدينه الخطـر واحنـه...منو اليوصل لعـد حدنـه


على اعيون الدرب تمشي...جوارحنـه ومدامعـنـه


درس من حيدر الكـرار...عالـشـدات علـمـنـه


نمـوت ومومهـم نحيـا...ولا نتـرك شعايـرنـه


نزور الفايز بصبـــره... وبهل الفاجعه انذكـــره

وعلي الكرار حادينه



المشي هيّن لـون غيـره...بعـد للنـاس نختـرعـه


وتهون الروح لو راحـت...لجل بت بضعـة البضعـه


وابد ماتنصف الحـوراء...لاكلـمـه ولا دمـعــه


السده عليهه صعب وصفه...وصعب علوادم اتجرعـه


نواسي زينب الحره... على الظلوا على الغبره

يحره ها تلگّينه



لون گطعو چفوف الايـد...وزرعو بالدروب اسيوف


منعوف المشي يحسيـن...لاوالله لا مـنـعــوف

شتسـوه اچفوفنـه يمـه...الگطعو من اديه اجفوف


يبـو فاضـل يمنعـونـه...ورغم عنهم اجينه انطوف



الف دمعه والف عبره... وحسره اشد من حسره

على المگطوعه چفينه



اسلاح الكافرين ارهاب...واحنه سلاحنه الرايه


حزام الناسف والغـام...واحنه احزام مشايـه


بيارغنـه الرفعناهـه...دليل ومنهـج وآيـه


هدفنه الواحد نـزورك...وهذي چانـت الغايـه


الدمعه فدوه لدمه نحره... اللطم فدوه لجرح صدره

او سهم النابت بعينه



اجيناك والف ياريـت...لو نستشهـد ابدربـك


وكل مهموم همه ايزول...من جذوره لـو طبّـك


ولو يسأل الما يـدري...نگلّه أرواحنه تحبـك


لأن بيك الهدايه تكون...بيك اموصّه من ربـك



حسين زيارتك عمره... وحبك فرض نعتبره

معروفه براهينه



الك جينه....يوالينـه





خادم اهل البيت

ابو علي السعيدي