سلام ٌ كاظم َ الغيض ِ...... قصيدة ملمع لمناسبة استشهاد الامام موسى ابن جعفر _ع_

قصيدة ملمع بمناسبة استشهاد الامام موسى أبن جعفر الكاظم عليه وعلى أبائه الطاهري وابنائه الطيبين أفضل الصلاة والسلام




((المستهل*))


سلام ٌ كاظم َ الغيض ِ... عليكَ القلب ُمحزونا
رهين ُ السجن ِ والقيد ... فـَشُلَّتْ كفُ هارونا

************
السلام اعليك والروحك ...عفاهه الصبر شايلته
شكثر حيران أفكر بيك ...شكثر هم وهظم شفته
يقرأن وسره اعله الگاع ... ياروح الزجيه انته
يمدرسة الرفض للجور ... أبد مايوم دآهنته

وفيك َ النور ُلاشك ٌ .... وفيك َ العلم ُمخزونا
ملاذاً صرتَ للخلق ِ ...... فـَشُلَّتْ كفُ هارونا

************
يالي اكتبت صفحة نور ... بـجـَّبين الدهر النه
أگصد شوف زوارك ... بممشى الموت تتعنه
جنة أنته صرت للناس ... ومسابگ على الجنه
عليك العين تهمي أدموم ... والك بالگلب چم ونه

ونبعُ الجود ِ والكرم ِ .... اسير ُ القيد ِمرهونا
لا أهل ٌ ولا صحبٌ ..... فـَشُلَّتْ كف هارونا
************
شمسك مايمر ضيهه ......... ولا شافته الطامورة
وليلك صبح ماطر بيه ......... حزينه أمنوصف الصورة
ولا واحد يجي يزورك ....... بمر هارون محضورة
أنته أبسجن جوه الگاع ...... وهوه بحكمه وقصوره

سنهتف ما بقت روح ٌ ...... تعلوا في تراقينا
تبتْ كفة ُ الجور ِ ........... فـَشُلَّتْ كفُ هارونا
************
شلت يمنتك هارون ........ شعندك وي أبن جعفر
حرمته شوفة أعياله ...... بسجنك عفته يتمرمر
باچرحضر أجوابك ......... لعداله حاكم المحشر
جده المصطفى الشاهد .... وصار المدعي حيدر

تراهُ اليومَ في غم ٍ .......... وانت َاليوم َمفتونا
سَتُسئل عنه في حشر ٍ ..... فـَشُلَّتْ كفُ هارونا

************

سنين أتمر عليه وعوام ... كاظم غيضه ماملهه
صايم عابد وذاكر ... گيود أشديده حاملهه
ساجد بالسحر راكع .... وصلاة الليل وآصلهه
ظلت شيعته بحيره ..... ما يوصل خبر الهه

وحيداً في مآسيهِ ...... ومنسيا ً ومركونا
يدعو الباري في كمد ٍ .... فـَشُلَّتْ كفُ هارونا

************
أسارير الفرح بانت..... لبن أسويد من زاره
رجع ويدك على البيبان .... لكل أصحابه وانصاره
أيام الفرج گربت .... وگلهم جايب أبشاره*
الجمعه أعله الجسر موعد .... نشوفه ونسمع أخباره

ويوم الوعد قد أقبل ...... على الجسر ِ توافينا
أمام الخلق في نعش ٍ ..... فـَشُلَّتْ كفُ هارونا
************

بقلم
محمد أبورغيف