بويه نكروني..بويه ضربوني؟؟لااستشهاد الزهراء ع اقول

سم الله الرحمن الرحيم
السلام عليكم ورحمة الله وبركاته
لمناسبة استشهاد الصديقه فاطمة الزهراء (ع) اقول ..



بويه نكروني ... بويه ضربوني
اخذوا الوالي امن اديه .. انه الزهرة الزجية
بويه ظلموني




شـرد اسولـف عالجـره عليـه ويصيـر

بيـد الانـذال الكفـر صــار المصـيـر

داسوا اعله اعتاب بابك وأخذوا الوالي اسير

لا رعوا نهج الرسالة زمرة ما عدهم ضمير




بالسياط اتشفه بيه... لا عرف الله ونبيه
بويه عصروني



من عصرني الباب بويه طاح من عندي الجنين

بويه صحت ابعالي صوتي والنفس وي الانين

انه حرمه وشرد اكولن المشتكى للله المعيـن

كون حاضر انته يمي اتشوف سطرات الجبين




وحالي يا حال الرزية ... هاي افعال ال اميه
بويه فجعوني




والاشد واصعب يبويه ظلعي بالباب انكسر

ذوله اصحاب السقيفة خدنه من عدهم عبر

حاربوا نهج الولاية وحاربوا كـل العتـر

طالبوني بفدك بويه واتمسكيت انه الصبر




صبري صار ويه البليه .... وي دعاة الطائفية
بويه باعوني




ريت حاضر بويه يمي وعينك اتشوف المواقف

جمعوا كل الصفوف وصار ضـدي هالتحالـف

استعملوا كل السلاح وكامت اتسبني الشفايـف

وكام يغدر بالنبـوة السكتـه وياهـم وخايـف




بويه افا عالدنيه ... وانه اطلبت المنيه
بويه منعوني




شفت محسن طاح يمي والظلع يكطر دمـى

اهتزت اركان العبادة من دعيت اعله السمه

ريت بويه ولا اشوفن هالزمـر والظالمـة

عيوني لاشافت يبويه وريت عيني بالعمـه




ولا اشوف ابن الدعيه ... يأمر اعله الفاطمية
بويه يولوني




لا ولايه وحكم الهـم ذولـه مـا الهـم نسـب

ذوله اشرار الخليقـه شوفونـي مـن العجـب

كسروا الباب وي ظلعي او معرفت شنهوا السبب

عله مخفيه ودفينـه عنهـا ارفـع كـل حجـب




نحو الوالي العليه .... لان حيدر بالوصيه
بويه عذبوني


لخادم اهل البيت
ابو علي السعيدي