كاظم الغيظ

كاظم الغيظ الراهب بعنوانه ------------- حولها مسجد ظلمة الزنزانه


ظنوا يغيرون الحقائق بالزور ------ من خلوا الكاظم رهين أهل الجور
وسرعان ما ذاك الظلام أصبح نور------- من نور موسى الكاظم وإيمانه

راهب بني هاشم تكَول أخباره ------------ مسجون وتشع بالظلام أنواره
باب الحوائج للكَصد خطاره ------------ وسجنه المضيف تحول وديوانه

ديوانه ثابت والضيوف تقصده ------- موسى بن جعفر والحوائج عنده
ما خيب الزاره وذلـــــــــــيل يرده ------- وزواره من توصل ترد فرحانه

الكاظم كرامات وعجايب وأسرار ---------- من الله نزلها بحكمته الجبار
وهذا الخبر من جملة هواي أخبار----- حتى اليبغظه يذوق طيب إحسانه

هاي ألسماحه المن سموه وحلمه ---- وكالمن يجهله بفيض علمه يكرمه
وحتى البغيض إلي بحديثه يشتمه ---------- كان بلطف لو جاوب اللعانه

هارون وزلامه وضميره الواهم –-------- ضن الشريعه تصير بيد الظالم
راد بسجن يثني الإمام الكاظم ------------ حتى الجهل يرجع يعيد أوزانه

تصداله موسى بن النبي بهالأمرين ------ أمرالشر يعه لثبتت بدم حسين
وأمر التنحي من الحكم بسم الدين --------- وكَال الشرع ميثبته إلا دمانه


من صاب

صيوان الرزايه الكَلب / من صاب
وعلى راسي الحزن هاليوم / من صاب
البيه هارون ذاك الرجس/ من صاب
جبد موسى الشريف ابن الزجيه



ونسألكم الدعاء


ابو حسن الحسيني