زينب (ع) في ليلة استشهاد امير المؤمنين (ع)

زينب (ع) في ليلة استشهاد امير المؤمنين (ع) ــــــــــــــــــــــــــــــــــــــــــــــــــ ـ على جبين الدهر اسچب --- دموعي وبالألم اكتب كتبت آلامي بجبيني --- راحت فرحة سنيني على جبين الدهر اسچب ------------------- انه الحورا التگطـّع گلبي من صغري ودمه مـن عينـي دمعاتي تضل تجري اعيش وي المصايب من صغر عمري وي دمـي بـشـرايـيـنـي غدت تـسـري بنص مهدي انولد حزني --- ولا يـرضـه يـفـارگـنـي عمر يسري بشراييني --- راحت فرحة سنيني على جبين الدهر اسچب ------------------------ گلبي بصغري من حزني هجر ضلعه مـن شـاف الـمـصـايـب بـيّ مـجـتـمعه مـن فـگـد الـنـبـي مـا فـارگ الـدمـعـه ونزف دم الصبر من فارگ البضعه غصب رجّعته لمچانه --- واحلفه بدمعه واحزانه وحيده لا تخليني --- راحت فرحة سنيني على جبين الدهر اسچب ------------------------ تـسـلــّه بـالـحزن والدمعه والونـّه من صغره أخذ كل شي الدهر منـّه مـا بـاقـي إلـه بـس حـيـدر إتعنـّه يـلـوذ مـن الدهر يمه بـكثر حزنه يلوذ بسدّه من دهره --- ويطفـّي بدمعه كل جمره وجمر فرگاه ياذيني --- راحت فرحة سنيني على جبين الدهر اسچب ------------------ ألـوج بـلا فـكـر مـنـّي الـفـكـر مـهـتـم صـدگ مـحـراب حـيـدر منصبغ بـالدم صدگ راس الوصي بسيف العده تهشـّم وصـدگ مـا يـبـره جـرحـه وما بعد يلتم اشاهد حيدر بلا روح --- وعلى رموش الحزن مطروح انـاديـه ويـنـاديـنـي --- راحت فرحة سنيني على جبين الدهر اسچب ------------------------ عـسـنــّي ميّته ولا شـوفـك بـعيني بضعيف الصوت والحسرة تناديني عگب ما چان چفـّك بـويـه يرويني اگطـّرلك صـرت مـن دمعة سنيني ألـِم إدمـوعي بـچفوفي --- واسـگـيـك بـكثر خـوفي راح الچان يرويني --- راحت فرحة سنيني على جبين الدهر اسچب ----------------------- چـنـت احـلـم تغمّض بـيـدك جفوني وتضل آخر شخص مرسوم بعيوني ويـواسـوك بـغيـابـي ومـا يـواسوني وتهيل إتراب گبري وبـي تـواروني ولـو راسـي نـزف للـدم --- تشد جـرحـي چنت احلم وأفزّن دمعتي بعيني --- راحت فرحة سنيني على جبين الدهر اسچب ------------------------ بـدْمـوعـي اودعـك بــويــه واحـزانـي وعگب عينك يضل بس حزني عنواني دفنـْت ويـاك عـمـري وصبري خلاني وحـيـده ولا طفـت فـد سـاعـه نـيراني واحـس بـجـمـرة غـيـابـك --- تـذوب اگـلـوب احـبـابـك واهيم بحزني و ونيني --- راحت فرحة سنيني على جبين الدهر اسچب -----------------------

اسئل الله لكم ولنا القبول ان شاء الله

تحياتي ودعائي

وربي يرعاكم