|
|
|
#1
05-17-2017, 10:57 PM
|
||||||||||
|
||||||||||
قصائد جدبيده -- لعشرة محرم ----- 5 ------ مع قصائد للاربعين
.............
ولائيه للحسين ع .............. المستهل ............... هذا عهد البينه --- من الك حبينه --- بحُبك انجنينه -- أي يالحسين ...................... أنته كل صومي وصلاتي وابتهالي أبد متغير محبتي هاليالي الك ناذر بيتي واولادي وحلالي ادري تالي بيك افوزن ادري تالي بالحشر دلالي --- مأمن ومابالي --- حيدر اليسقينه -- بحبك انجنينه --- أي يالحسين ............................ 2 هوه بس حُبك تره ماعدنه غيره وارتبط محبوبك بحبك مصيره عطر حبك سيدي نشتم عبيره هالعشگ يحسين لا ميصح نظيره للگلب نبظاته -- هالهوه ونسماته -- عطرك الشمينه --- بحبك انجينيه -- اي يالحسين ...................... لونه عذري هالعشگ يحسين لونه ماعله العاشگ سوى يبقه بجنونه صورتك مرسومه يحسين بعيونه مسودنين الدمنه من فحصوه لگونه شحدهم يمنعونه -- نضحي من شافونه -- سيوف الك تلگينه -- بحبك انجنينه -- أي يالحسين ....................... لو برير وعابس أويانه يشاهد كل فدائي ايشوف بينه والمجاهد عهد يتجدد وكل ليله نعاهد حسين لاحبابه صبح بس هوه قائد يانعم هالقائد -- مثله ماصح واحد -- بثورتك يحيينه -- بحبك انجنينه -- اي يالحسين ........................... يوم عاشر من محرم خل يشوفون بينه كل واحد يصير بصبحه مجنون وساحة الحب تنملي بدم اليطبرون شنهو دمنه لو نضحي ارواحنه اتهون لا أبد منبالي -- نرخص الكل غالي-- الموت مايثنينه -- بحبك انجنينه -- اي يالحسين .................... ابجاه امك فاطمه ارضه علينه بيك مجنونين هذا مو بدينه وخلي ميهمنه اليلوم ايلوم بينه وأحنه لو مادمك أحنه مانجينه وحگ أمك امك فاطمه --- الك قربان الدمه ----بدمنه لوضحينه -- اي يالحسين ............................ سيد عدنان الحمامي ........................................... ............. ........ نزله -- للعباس ع .......... ....... المستهل ......... وديني للعباس وديني .......... أرد أروح الباب ألله وأرد ادگها البابه هوه معروف بعطائه وما يخيب أحبابه الله ينطيك أشتريد اوبس تطب لعتابه مثل اخوه حسين هوه حسين يشفي ترابه بعتابه خليني خليني -- وديني للعباس وديني .......................... أهموم عندي شكثر ولله وارد أروح العتبته هوه حلال المشاكل مثل حيدر هيبته الزم الشباچ بيدي ويمه اعگد رايته هذا للدنيه گلبها بس رقيه نادته نظريني ناداها نظريني --- وديني للعباس وديني ................... ارد أسولف هظم چبدي وأرد أروايه دمعتي أنه من محتاج أگله ايگلي خذها الجربتي سيدي لا ماي أريدن أنته تعرف حاجتي آنه مو عطشان أجيتك جيت من هم دنيتي تنطيني هالمحتاج تنطيني --- وديني للعباس وديني ....................... يالعطائك ماكو مثله ونعجز احنه انوصفه هالزمان أوياي گاصي وعني مايوم العفه بيه خله جروح كثره ولاجرح منهن شفه وراحة البال افگدتها ولا جفن عيني غفه سر عيني يمهيوب سر عيني--- وديني للعباس وديني ................... أنته ماتبخل تجود والك تشهد كربله چفوفك اثنين أكرمتهن هالكرم شيعادله وآنه ظيم البيه غيرك كفوا لا ميصح اله ماسمعنه ابيوم واحد اجه ليك اتفشله راويني للشارات راويني --- وديني للعباس وديني ..................... أي يبو فاضل الغيرك ما أمدها اليمنتي انته تحفظ ماي وجهي وتظل نگطه بگصتي وآنه هاليله نخيتك بعد تعرف طلبتي الك تقبلها اريدك يبو فاضل خدمتي خليني مخدومك خليني -- وديني للعباس وديني ............................. سيد عدنان الحمامي- ............................ ..................... للاكبر ع ................. المستهل ............... أبني الأكبر كل حياتي ---- وكل مُنايه وليدي وأدعيله بصلاتي --- وأقره آيه دعه الأم عندك مُجاب --- ربي أحفظ كل شباب ............... أبني الأكبر ودعت -- غُصه بگليبي اجرعت -- لألله ادعي أتفرعت - بخيمتي وعيني تهل صعب يوداع الابن --- شلون أمك من تحن --- هم بعد يطبگ جفن فراگ لا لتظن سهل كل شباب وكل فته -- تشم أمه نسمته --- تموت لو ماشمته ميته أمه تنجعل يبني عود أرجع اليه --- أرد أشمك خاف لتروح أمن أديه --- وآنه أمك أدعي ليصير المصاب --- ربي أحفظ كل شباب ...................2 يبني يالگلبي ملك --- روحي منذوره ألك--- أرجع اوليدي الهلك عيش ويه أمك تعال ليله لو ماشافتك -- تعمي عيني الفرگتك -- هاي يمي عمّتك تگول لايگطع وصال يبني ياهيبة هلي --- وليدي يالاكبر علي -- أمك ومتحن ألي حلم هذا لو خيال تدري يبني من عفتني --- تاه دربي تبچي يمه لو شفتني -- بهظم گلبي العذر مني هالعتاب --- ربي احفظ كل شباب ....................... 3 انته لعيوني ضوه --- انته لجروحي دوه -- گام يخنگني الهوه -- ومايمر بيه نسم مثلي المضيعه ولد -- شحالها تصبح بعد -- شكثر لوليت ابمهد يالچنت أجمل حلم ردتك الشيبي ذخر --- ترد اتعاب العمر --- راح تعبي والصبر گمت بجروحي ألم مرت مصيبه عليه -- شاب راسي گاموا يصبرون بيه --- هلي وناسي موجهه لالله الخطاب --- ربي احفظ كل شباب ......................4 كل مره التفگد ظنه -- يومها ايصير بسنه -- بعد متشوف الهنه تظل بثياب الحزن يانصيبي اللي يشح -- أعزيز عندي وينذبح -- سووه بگليبي جرح ينزف ومنه أون دمه شفته بهل النظر -- گلبي لوليدي انفطر-- آه من هذا القدر خلّه دمعي أعله الوجن ادعي للغياب عدهن --- وبدعائي ربي سلم كل ولدهن --- يارجائي أو لا يطولون ألغياب --- ربي أحفظ كل شباب .....................5 كل شباب أدعي أله --- ايسلمّه ربي الهله -- أو بالسلامه ايوصله والحظن أمه يرد ألفاگده وليد اشصعب -- تنجرح من الگلب -- أتصير مشدوهة درب للمنيه أتضل تعد شكثر آنه اتصبرت -- بهل المصيبه وكابرت -- لچن ولله اتحيرت لمه غالي وينفگد هاي والكل أم وصيتي --- مثلي صبري من وگع عامود بيتي --- أنكسر ظهري حلمي چن أصبح سراب --- ربي أحفظ كل شباب ................... آه گلبي أو بلوته -- عله وليدي محنته -- هالمنيه أخذته وندفن تحت الثره گلب الأم هوه حنين -- وتفگد أتعاب السنين -- الها بس الله المعين بحالها هوه دره بريتي يتواگد جمر -- هالهوه لمن يمر-- راح من عندي ذخر -- أرضيت الله مقدره بكل گلب سكنة الونه -- ياعجيبه هالصبر ماغيره ألنه -- عالمصيبه نصطبر بس بعذاب --- ربي احفظ كل شباب ....... سيد عدنان الحمامي --- ------ ................... .............................. المسير للشام بعد مقتل الحسين ع .................... ........... المستهل ................... مفارگتك چن صار سنين -- خويه اليسرنا ماشين ............ يحسين باحزان اليسر --- وظعن الفواطم وياي صيام خويه بالدرب -- لازاد لانشرب ماي يبچن بناتك والدمع -- جمرات اهيسه بحشاي- ياروح اصبر ياگلب -- بگلب أختك اجروح اهواي كل گلب أسمعله أونين -- خويه اليسرنا ماشين ,.......... چم طفله يحسين وطفل --- چم حرمه أسمعها اتنوح يبچن يخويه ابلا رحم --- والگلب مليان جروح وحده تنادي يالولد -- لمك عزيز ومذبوح تگله اخذ روحي اسمعت -- يوليدي شلي بالروح شمسح اليادمعة عين -- خويه اليسرنا ماشين ................. عاينت خويه اعله الضعن--- وآنه الضعن بحمايه رمله ورباب اعله الهزل --- ردّن وليله أويايه عالاكبر أمه تنتحب --- وأم الطفل شچايه ضامي رضيعي وانذبح -- ليش انحرم من مايه وندفن ما أدري وين -- خويه اليسرنا ماشين ....................... والاثر بحالي بعد --- وبگلبي زاد أونيني الجسام امه نادته --- وينك غبت من عيني ياضوه بيتي وغيبتك -- موت احمر اتراويني انده واصيحن يالولد --- آنه أمك وحاچيني ليش أخطفك مني البين -- خويه اليسرنه ماشين ................... يحسين وآنه اتحيرت -- بيهن أصبّر چم نوب دليني خويه اليادرب --- اتجه خويه الياصوب مدري بعليلك أبتلي --- من علته خويه ايلوب وانه انچوي ابنار الخيم -- هذا العليه مكتوب طف كربله جاني امنين -- خويه اليسرنه ماشين ......................... منين الحزن لختك لفه -- عگبك اظل بالآهات راح اگضي ايام العمر -- بثوب الحزن والدمعات يحسين ميعود المضه -- وذاك الزمان اللي فات من چنتو يحسين الامل -- والامل وياكم مات من شفت گطع الچفين -- خويه اليسرنا ماشين ......................... راحوا اخوتي ومابعد --- أعزيزتهم أيذكروني اعليهم انوح وانتحب-- أمن البچي اعمي اعيوني مو آنه چنت أمدلله --- يابت علي اينادوني شلون الهم اعيون وغفت --- وبمحنتي ايخلوني ياعين دم من تبچين -- خويه اليسرنا ماشين ................ سيد عدنان الحمامي _................... ......... للسجاد ع --- ملائيه ... .... .. سجاد الحسين -- محد يعينه بعلّه والونين -- هماله عينه .......... بدمعات الاحزان ماعنده وليان ذبحوا الخوان صرعه بالميدان للدين قربان بالمصرع اتشوف -- عينه الحزينه وينادي عمي --- عباس وينه ...................... بصدرك الآلام من حرگ الخيام بولية الظلام أمن العدو منظام وبجفن مينام لوعات المصاب --- ولهفة حنينه لو سهم عباس -- لو سبي سكينه .............................. بالصبر معروف وياجرح اليروف بالعطش والخوف عالمشرعه ايشوف لعباس اللچفوف بالبچي والنوح -- خلصن اسنينه لحسين كل يوم --- يشتد حنينه ....................... حرگوا خيمهم ذبحوا زلمهم عالترب دمهم ماسلم منهم بيده دفنهم ياعمي عباس -- صاح بونينه رجع أچفوفك -- عمي وتجينه ....................... وبمحنته ايلوب أسود لبس ثوب وشموع التذوب الجاسم المهيوب ذوبها الگلوب خويه يالأكبر --- أسمع بچينه وسفة الوسفه --- رحت أمن أدينه ........................ صعبه وعجيبه الودع حبيبه جثته سليبه هذاي أشمصيبه وعمته غريبه نادت يعباس --- وياك اجينه واليوم عنك --- أسره مشينه .................... وجهت هالعتاب من فگدت احباب وشعظم المصاب -- عبد الله ينصاب من دمه الخضاب ترضه يعباس -- يشتمت بينه بسوطه شمرهم -- يضرب علينه ...................... يازين العباد كل دمع مافاد شلونك يسجاد بالحبل تنكاد من اهل العناد من شاف الاكر -- دم بچت عينه ياخويه بعدك -- رحنه بسبينه _____________ السيد عدنان الحمامي -- -- المستهل ...........----- ناديت ها وين أخوتي ماگاموا أتلگوني ........ منهم مشيت اميسره وبحالي ماواحد دره رديت وآنه امحيره ليهم اجيت أمنين أريد أمن أخوتي اينشدوني ................... للشام اخذونه سبي وألله سترنه بالعبي من گال زينب تنسبي مخدرت عباس البطل مو چانوا أيسموني ...................... عالترب ودعت أخوتي وشكبر صارت خلتي تحرگني گامت حسرتي أنتي أسيره بهل الاسم من أسمع ايبچوني .................. من صار ظهر الفاجعه وطاح الحسين بمصرعه ظليت آنه مروعه بيدي أشاگف للضرب والسوط فوگ أمتوني .................. سكنه ورقيه اعله الهزل تنحز اديهن بالحبل عيني تعاينهن تهل كل ساعه راس اعله الرمح من أخوتي ايراووني ................... رمله ورباب ابيا وضع وليله أم الاكبر تنفجع بگلوب مكسوره ودمع وتصيح رمله ابيا گبر ابني اندفن دلوني ....................... ردينه بثياب الحزن بدموع يبسن عالجفن ولا واحد أعلينه يحن گعدوا يخوتي أهل الرحم بمصيبتي أتواسوني ............... واسوني يهلي اعله الجره مو آنه چنت أمخدره بس يشهد الله صابره بمجلس يزيد آنه اخطبت ماگدروا يسكتوني ........................ بمجلس يزيد آنه أوگفت ذليته وبوجهه اصرخت لاچني مهظومه شفت طاحت رقيه اعله الطشت ميته ولطمت اعيوني ............... واليوم أجيت أمن اليسر متحزمه بطود الصبر يحسين انته ابيا گبر لختك دگوم الها بعد وتلگه هاي اضعوني ..................... سيد عدنان الحمامي ................... ..... ...... في حق الشهيد ....... -- المستهل ... آنه أوليدي كسر گلبي -- آنه أوليدي يموت وهذا مو وكته -- عسه بتابوت لاشفته آنه اوليدي .... سمعت الصوت هد حيلي -- گالوا أبنچ استشهد تعالي للعزيز اهنا -- شوفي أوليدچ أمدد أجيت وعاينت طوله -- وأشوفه عالارض فرقد واصيح بصوت خلوني -- يمه وما أريد أحد على عيني الطمت بيدي -- على عيني أبني وشبگت جثته -- عسه بتابوت لاشفته ......... البيتك يبني مارديت -- ردت بس اعرف أخبارك أشوفك سالم اتمنيت -- أويايه ترجع الدارك مايوم أسمعت منك -- تقدم لمك اعذارك شگلهم لو أجوا يبني -- البابك تدگ خطارك أنه أشبيدي تجافيني -- أنه أشبيدي هم ترجع الي يمته -- عسه ابتابوت لاشفته ...... أفارگ أبني ماأگدر -- عزيز ويصعب أفراگه أخذ تعب العمر كله -- مشه ومابعد نتلاگه أشوفه وين ما أدري-- اظلن اله مشتاگه عمت عين المنيه شلون -- لبني اجت سباگه خذت مني العمر كله -- خذت مني أموت وبس تعيش انته -- عسه ابتابوت لاشفته ........... خواتك سايلن عنك-- يبني وفاضت أعيوني شجاوبهن يبعد أمك -- وآنه خابت أضنوني وأخوتك بالحزن يمي -- أمن اعاينهم يبچوني أصبرهم على أفراگك -- يبني لو يصبروني يضيعني صدگ أبني -- يضيعني أليه ذخر كبرته -- عسه بتابوت لاشفته ....... اظل أويه النجم أسهر -- عليك وليلي مانامه وأحس مخنوگه يوليدي -- وطول العمر حزنانه دارك موحش ابلياك -- ليش تريد فرگانه تعال أويه أخوتك يبني -- تعال وأرجع أويانه ماأرضه تفارگني ---ما أرضه غيابك يبني ماردته -- عسه بتابوت لاشفته ........... يالمشيعيين تانوني-- أريد أمشي أويه ممشاكم أخذوني للنجف وياه -- أخذوني الدفنته أوياكم اريد اتوسد بلحده -- يهل الرحم أرجاكم وحشه بالگبر لوظل -- وحده شلون ترضاكم تدفنوني ردت وياه -- تدفنوني يعتب أبني لو عفته -- عسه بتابوت لاشفته -- سيد عدنان الحمامي ------- --- شباب الجهاد -- -- المستهل -- للجهاد الفتوه وملبيها -- شمعه يمه لو غبت علگيها أبد لاتبچين أبد -- محلفچ برمله بعد ........ يمه بالقاسم سلام الله عليه بحربي رايد أقتدي يايمه بيه شلون والعمه بحياته يفتديه وحنوا بدمه الشريف أثنين أديه لوشهيد أمن الحرب جابوني -- زفة القاسم الي زفوني أدري توفين الوعد -- محلفچ برمله بعد ....... هالوطن لحسين ابو اليمه انتسب أنجاهد وبالدم نضحيله انكتب لو شهيد اوليدچ بسجله انكتب يمه لتسمعيني من گلبچ عتب بيش لجروح الحزن لمي أروف -- وبالعلم ملفوف عين أمي تشوف اخذي مني هالعهد -- امحلفچ برمله بعد ....... يمه شبل الحسن عند أمه وحيد يضحي رمله دون أبو اليمه تريد يمّه أمشيّي أعليچ بارينه المجيد فرحي لو جابوني يايمه شهيد يرتفع هالوطن بينه راسه -- وبأمان اتعيش أهله وناسه اي وحگ من أنعبد --- أمحلفچ برمله بعد ......... يمه ترباتچ أنه اي والنعم تهابني بميداني صارت هالزلم من ابو السجاد عندي هالعزم لو اجاني الموت أبدن ما اهم للشهاده آنه رايدها الي -- عله تابوتي ييمه هلهلي گولي فدوه هالولد -- محلفچ برمله بعد ........... حزني عالقاسم الطفوا شمعته وحنوا الچفين من دم رگبته واسي رمله واسي زينب عمته أويه الجثث مذبوح لمن عافته عله القاسم يمه لبسي للسواد -- وكل سنه بعاشور علني للحداد مودعه برب الصمد --- محلفچ برمله بعد ........... مودعچ خليني أقبل غرتچ وأمسح بايدي ييمه دمعتچ الكربله لو ردتي وجهي نظرتچ وخلي تتكسر بصدرچ عبرتچ وأبچي عالعباس عم اسكينه-- چفوفه گطعوها وطفوها العينه وراسه صابوه بالعمد -- محلفچ برمله بعد .... سيد عدنان الحمامي .. ............... 
|
|
08-30-2017, 12:08 PM
|
#2 | |
 مديــر عام
|
عبد الله الرضيع ع .. .. .. المستهل .... من دمع تبچيله – بلليها الشيله راح عبد الله أنذبح يمه ..... من رقيه أمن البواچي بعد ما الها عذر يارباب اتصيح أبويه لايطيح أمن المهر جاب عبد الله ذبيح ويجري دمعات الصبر بويه ماخليته يمنه طفل وزغير عمر كل رحم مابيهم ... ليش أخذته ليهم طفل وبدمه سبح يمه ..... چان ظل ابمهده يمي ومن دمع عيني ارتوه ولوا بويه هوه وآنه اثنينه أعطاشه سوه وغصن گلبي من ظمايه وخوفي والرهبه التوه وماتمر بريتي أحسّن حتى نسمات الهوه عمي راح ومايرد --- أيجيب رادنه الوِرد الماي من جوده نضح يمه ....... بويه يحسين أنته ظامي العطش صاحوا بالخيم ومن شفت عبد الله خذته وصابه رماي السهم ورتوه بدم الوريد بدمه عبد الله أنفطم شلون ونته بعطش روحك وحملت هذا الالم هاي رميات القدر --- گلبك وگلبي أنكسر وگلب شماتي فرح يمه ....... شلون حالچ يارقيه وكلشي شفتي بعينچ رجع بصوابه الرضيع ويبچي جابه أحسينچ وينچ أو وين المصايب يارقيه وينچ هذا عبد الله ذبيح بهاي الله يعينچ ظامي مات بنبلته – من وريده ذبحته وچبد الحسين انجرح يمه .... گومي يمه يارقيه هذا مذبوح الطفل خاف بعده بعطش گلبه وصوبه رامي النبل شربيه دمعة اعيونچ يالحنينه من تهل مايفك عينه عليچ وما أظن بعده عدل گعدي يم مهده بعد – لو سمع حسچ گعد عسى يومي لاصبح يمه ...... بويه بيك شلون ونته العطش ذوب مهجتك شلون لو بالحجر صابوا يبو الاكبر جبهتك شلون وخيول بحوافر تجي تسحگ جثتك شلون لو سهم المثلث بعد گطع چبدتك لو عدوا أتولاني -- طفله من يرعاني باليتم آنه أتضح يمه ....... سيد عدنان الحمامي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|