|
#1
|
|||||||
|
|||||||
((يا دهري كافي جروح)) كلمات: بنت الزيدي
يا دهري كافي جروح -- شيصبر هاي الروح
مهمومه ومهضومه شيصبر هاي الروح ___ زينب أنـــه آ يـالـزمـــن -- مـا شفت منك بس محـن من زغري لهذا اليوم جــم طعنه دلالي انطعن -- جم نـايبــه مـا ينـخــفـن منك شفت بس همـوم فرحِتك لـو قلبــي حــزن -- ودمعادتي لـو مني جـرن ريت يفيد ويــاك اللوم يا دهري والأقدار -- راوتني بس أكـدار مهمومه ومهضومه شيصبر هاي الروح ___ وينه الي يسمع شكوتـي -- جـــارت علـيـــه دنـيـتـي وبـدلالـي تسعــر نــار شرد اذكـر مـن مصيبتي -- كسر الضلع يـا حسرتـي لو فكد جـدي المختـار طبــرة علـي لـو غربـتي -- لـو سبيي لو جتل اخوتي لو من ولتني الأشرار والحــرم والأيـتــام -- تـتـولاهــا الظـلام مهمومه ومهضومه شيصبر هاي الروح ___ واليتم طرني من الزغر -- بالحسره كضّيت العمر ودمعاتي عالخد تجري نهب وقتـل سـم وغدر -- ذبـح وسفك دم الطهر كضيت بالهم عمري ومنين يلفيني الصبــر -- حرمه آنه وبين الكفر مخدره وأفكد خدري يا دهري جم صواب -- منك دلالي انصاب مهمومه ومهضومه شيصبر هاي الروح ___ واعظم فـاجعة يـالـدهر -- طيحة الــوالـي عالنهر خــلــت الـــــدلال يــفــــور تغربت مـن بعد الكمر -- وعضيدي مكسور الظهر ظهر حسين اصبح مكسور يـبكى دلالـي شما صبر -- ما تنمحي منه الصور شيمحي ومصيبة عاشور مطبوعه بالدلال -- ما يتغير هالحال مهمومه ومهضومه شيصبر هاي الروح ___ وارجعلك لطف كربله -- واوصفلك اصعب مرحله من بكه وحيد المظلوم نــاده بدمعته الهامله -- يــا زينب جمعي العايله حــان الــوداع المحتوم ودمعاتــي عـالـخد سايله -- ناداني انتي موكله بـالعيله من هذا اليوم يا زينب روحي وياج -- وعين الباري ترعاج مهمومه ومهضومه شيصبر هاي الروح ___ وموقف اليتوجب ذكر -- يا دهري من شفت الشمر كاعد على صدر حسين لازم بجف سيف الغــدر -- يحـز بـنـحر إبـــن الطهــر والجرح اصبح جرحين ريت افكِدت عينــي النظر -- ولا شوفه محزوز النحر وعباس مفكود العين دعواتي للرحمن -- يقبل هذا القربان مهمومه ومهضومه شيصبر هاي الروح بـــنـــت الـــزيـــدي محرم 2010
آخر تعديل (بـــنـــت الـــزيـــدي) يوم
12-17-2012 في 05:40 AM.
|
12-17-2012, 05:19 AM | #2 |
مديــر عام |
ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع لكم منا دعاء بالعافيه والتوفيق ان شاء الله تحياتي ودعائي |
|
12-17-2012, 06:48 PM | #3 |
المراقبين
|
السلام على المهمومة المظلومة
مولاتي زينب ع بنت الزيدي |
اللهم صلِّ على محمد وعلى آله الطيبين الطاهرين
|
|
|
|