يمه يمه --سمعي يالزهره عتابي

المستهل
---------

يمه يمه --------- سمعي يالزهره عتابي
يمه يمه -------- گومي وياي ابمصابي
گلبي جمره ------ بًًصدري حسره
گومي وياي ابمًًًصابي

**********************
يايمه شحجيلج هضم ------ للًًصخر هضمي ايفسره
مهضومه من جور الوكت ------وبصدري تلهب جمره
الامي بضلوعي غفت ----- وبخدي ماتت عبره
تردين اصبر بالصبر -------- هوه الصبر شيصبره
يمه يمه --------- بعيني مانشفت دمعتي
يمه يمه -------- بًصدري تجويني حسرتي

انتي ادره -----------بصدري حسره
كومي وياي ابمصابي
****************************
يالزهره انه اوديعتج ----- امن اللحد ليه گومي
يمه الهَضم ماينحمل ------ كثرت عليه اهمومي
من زغر سني اتيمت ----- ضلت الدمعه اليومي
وعيوني ماشافت فرح ---- ولاطيفه مر ابنومي
يمه يمه ------- بيه الام وهموم
يمه يمه ----- والحزن فوگي يحوم
دمعه جمره ------ بًصدري حسره
كومي وياي ابمصابي
************************
يايمه من ضيم الدهر ----- مانمت ساعه ابليلي
ومًصايب البيه گصت ----- يايمه اخذت حيلي
راواني اشكال الدهر ----- من الدهر يايويلي
راح العزيز وما رجع ---- وشلون بيه احجيلي
يمه يمه ------ عالنهر طاح الكفيل
يمه يمه ----- امصايب اعليه تميل
اجري عبره ---- بصدري حسره
گومي وياي ابمصابي
*************************
طبع الصبر مر وكلف ---- وجرعت يمه صبرين
صبر اليًخزن بالگلب --- وصبر البجه ويه العين
ياما ويا ما هالشدد ------ يمه تجي مدري امنين
ولاشد واصعب نايبه ---- شلون احملت ذبح حسين
يمه يمه --- جم بدر شفته يغيب
يمه يمه --- جم ضنه لامه وحبيب
من انضره ----بصدري حسره
گومي وياي ابمصابي
***********************
يايمه غابن جم بدر ---- بطف كربله امن اعيوني
اعزاز وعفتهم عالترب ---- يمه وتغير لوني
يمه ارد اسولفلج بعد ---- عگب اخوتي ضربوني
ساعتها مجتوفه بحبل --- اوللشامت ايودو ني
يمه يمه ----- ياجرح يبره ويطيب
يمه يمه ----- ا منين ابو فاضل اجيب
اعليه جسره --- بصدري حسره
گومي وياي ابمصابي
****************************
شفت الگمر عالمشرعه ----- والجود بين اجفوفه
وشفت الحسين ابمصرعه ---- عين العمه اولاشوفه
والاكبر ابدمه سبح ------ وجسام وسط الحوفه
والاصعب اعليه واشد ---- يمه بحبل مجتوفه
يمه يمه ----- والله اتمنه المنيه
يمه يمه ---- مايصح لاجن بديه
بيش اجبره ------ بصدري حسره
گومي وياي ابمصا بي
-----
سيد عدنان الحمامي*
--------------------------



الاهي شافي مرضانا واقضي
حوائجنا وتب علينا وارحمنا بحق الزهراء يالله يالله يالله
سيد عدنان الحمامي
اذكرونا بدعائكم يرحمكم الله

طيب الله انفاسك مولاي

وفقك الله لهذه الخدمه المباركه

جزاك الله الف خير

تحياتي

ابونا الغالي طيب الله انفاسك لهذه الخدمه الحسينية واجرك علي قاضي الحوائج
ابا عبدالله الحسين عليه السلام

بسم الله الرحمن الرحيم
اللهم صلي على محمدوآل ِ محمدوعجل فرجهم وأرحمنا بهم
السلام على الحسين وعلى علي ابن الحسن وعلى اولاد الحسين وعلى اصحاب الحسين
الذين بذلوا مهجهم دون الحسين صلوات الله عليه
الشاعر القدير السيد عدنان الحمامي
طيب الله أنفاسكَم سيدنا بوركت الأنامل التي خطت لنا
هذه الكلمات الناعية لامامنا سيد الشهداء عليه السلام والصفوة الطاهرة من عترته وأل بيته واصحابه الميامين
قصيدة رائعة تألق فيها قلمكَ الرائع برسم مشاعر
الحزن والألم لتلكَ الفاجعة .جزاكَ الله خيراً
تقبل جزيل الشكروالأمتنان على هذه القصيدة
اسئل الله لك التوفيق ودوام الابداع
تقبل تحياتي ولك مني كل تقدير واحترام
خادمك محمد ابورغيف

طيب الله انفاسكم وادام توفيقكم

جميل ماكتبت بحق مولاتنا العقيلة سيدنا الجليل دعائنا لك بالتوفيق لخدمة الزهراءوابنائها

طيب الله انفاسك مولاي

وفقك الله لهذه الخدمه المباركه

جزاك الله الف خير

تحياتي