العزاز -- عدمن ودعوني

للعليله
المستهل
العزاز --- لمن ودعوني
العزاز – ماظنم نسوني
صدگ ماشوفكم رحتو يولياني
شبت بالگلب نيران احزاني
العزاز – لمن ودعوني
-----

عافوني احبابي ومشوا عني ابعيد

همي كبر وبروحي آلامي اتزيد

وآنه عليله واصفگت ايد بايد

ياهو اليباريني البواچي شتفيد
الفراگ --- ما أحمل بعدهم
الفراگ --- أحبابي شيردهم
ماظن من أخوتي أحد ينساني
شبت بالگلب نيران احزاني
العزاز ماظنهم نسوني
------
يابويه وياك ابضعنكم وياك

تدري عليله ومالي حيل الفرگاك

ونته التباريني يبويه ابعيناك

تحرمني من عطفك عليه دنياك
عزيزه -- يحسين بدلالي
عزيزه – ابنيتك يغالي
كل فرض اليجي اسمك على الساني
شبت بالگلب نيران أحزاني
الاعزاز ماظنهم نسزني
------

حيل الگلب مابيه يبقه امحير

كل اخوتي ماشين بيش اتصبر

يابويه خل يمي يظل الاكبر

تدري على فراگه أبد ما أگدر
اريدك --- تظل خيمه عليه
اريدك --- تظل ايدك بديه
يلب أحشاي يالعايش بوجداني
شبت بالگلب نيران أحزاني
الاعزاز ماظنهم نسوني
------

دارك يبويه موحش اعليه صار

ماريد اظل بعد الاعزاز بهل الدار

روحي تلوج وچبدي يتلاهب نار

صعبه اظل انتظر منكم اخبار
أخوتي -- فرگاهم مصيبه
أخوتي --- لو بعدوا غريبه
اعد نجوم ليلي دهري خلاني
شبت بالگلب نيران أحزاني
الاعزاز -- ماظنهم نسوني
-------

يابويه وياك اخوتي حتى امي

والبدر عباس ابضعنكم عمي

خل يبقه عبد الله يبويه يمي

ولله امن اشوفه ينجلي كل همي
رضيعك -- خليه بويه يمي
رضيعك – وياه تظل امي
لو عبد الله فارگته أموت آني
شبت بالگلب نيران أحزاني
العزاز ماظنهم نسوني
------
سيد عدنان الحمامي