تبقى دمه كربله..تنزف صبح وي صبح

تبقى دمه كربله..تنزف صبح وي صبح
وتشاهد اعيون المله..بالنحر صار الذبح
واسمع تصيح الناس..للغيره ظل مقياس
بالنحر صار الذبح
&&&

شمعي انطفه من الزغر..وجمر الهجر يتلاعب بدمعاتي
جرحي جبير وبيه نزف.. يصعب عليه من شفت حسراتي
دمعي والاحساس..بسرعه غيروني
واستمع للناس..بويه فجعوني
صعبه اطلعت جلماتي
أنعاين اعل المله ..منهم شبعنه شجن
من عاينت كربله..واشلون بيه فتن
طايح ابو النوماس..للغيره ظل مقياس
بالنحر صار الذبح
&&&
جاوب عليه واعترف بس بهمس..يارمح راعي احوالي
لتكلي انته بلاذنب وماتحس..انته اصبحت جتالي
من شلت هالراس..من غيرك جاسه
دمعي والاحساس..تسمع انفاسه
ادري تشيب احوالي
راحت جفوف الهله.. عين الكمر من تغفه
ياهو اليجي يسئله..ويمها حضر وينصفه
خط القلم كراس..للغيره ظل مقياس
بالنحر صار الذبح
&&&
مر يازمن بالظالمه..بلا مرحمه..كل ذنب نمحيه عنك
دمع النزل اشرف دمع..مثل الشمع..عالوجن ينزل منك
اكعد اكباله..ما يظل محتار
شنهو الباله..تعرف الانصار
واروي قصصهم ربعك
اذكر أفعاله وحامله..وارويها انت للبشر
جورالطغاة الجاهله.. الشمر واهل الكفر
الماعده كل احساس.. للغيره ظل مقياس
بالنحر صار الذبح
&&&


جاوب يعمري ومهجتي..ياسلوتي..بنتك رقيه اكبالك
تعاين عليك وعالسمه..وهاي الدمه..وتصيح بويه احبابك
هذا دم حسين..يانسل دمه
ينكتب كل حين..لو صحت بسمه
يوم التنوخ ارجابك
يمنه تظل وهله..يالبيك انته الشرف
بس راسه اليعله..فوك الثريه هتف
يتهف بااحلى انفاس.. للغيره ظل مقياس
بالنحر صار الذبح
&&&
صد يازمن نجم الفضه..من الرافضه..طلعت تشيل اعلامي
واللي حضه بيهم حضه..من المغرضه..ظلت تون كدامي
كلها اتحزمت..ضدهم الشبان
عليهم اتجهت..تلعن العدوان
كلها بنهج امامي
اشوفني ظيم الفله..راوني بويه الشمر
من رحت بالقافله..امشي بنار الجمر
وارجع واحاجي الراس.. للغيره ظل مقياس
بالنحر صار الذبح
&&&
شحجي شكول وعلتي..عن عيلتي..والبيه جاري وعندي
النار تسري بمهجتي..وعن موتتي..وصلت الي من مهدي
انظر اسنيني..يعجز الساني
لو شفت عيني..شافت الجاني
بينه الشمر يحدي
زغيره ومدلــله..عاشت هموم وحزن
تسئل عل الكافله..مايغمض الها جفن
وتصيح عم عباس.. للغيره ظل مقياس
بالنحر صار الذبح
&&&



خادم اهل البيت
ابو علي السعيدي