....
المستهل
....
تجري الدموعُ وكلّ قلبٍ ينحبُ ... قُتِل الحسينُ وشيبُهُ متخضّبُ
أقمار اعله الثره... نجوم أمنثره
واحسيناه .. واحسيناه
......
الحسين آيه بكل عصر ترتلها الازمان
من نحره مو دم انثر لؤلؤء ومرجان
راسه على طرف الرمح رتل القرآن
عالسيف دمه ينتصر والخصم خسران
صوتً الحسينِ بكربلاءً مجلجلُ ... راسُ قطيعُ للكتابِ يرتّلُ
من قدم منحره ... نجوم أمنثره
.....
وجه الله الحسين وبعد للمصطفى روح
الف وسبع ميه حصوها بجسمه اللجروح
من زمن آدم مامثلها امصيبته ونوح
شمايجي جيل ايذكره وشما جيل اليروح
دمهُ الزكيّ بكُل يومِ يولدُ .. كالذكر في كلُ العصورِ مخلدُ
دمائه الثائره .... نجوم أمنثره
.......
رب المشارق أيده ابن الميامين
ولده وأخوته ل ألله قدمهم قرابين
والگمر ضحاها الچفوف وضحه للعين
بالخوه مامثله انوجد ويوفي لحسين
عباسُ كالشمسُ المنيرةِ يزهَرُ... كاليث في تلك الجحافلُ يزئرُ
يسبع الگنطره .... نجوم امنثره
.........
شمس الله زينب صابره شافت بالعيون
لخوتها واحد من بعد واحد يذبحون
كل ساعه راس اعله الرمح يمها يجيبون
يافاجعه ونكبه ومصيبه الزينب أتهون
أمَ المصائب عينُها ماذا ترى ... أهل َالعَبا أجسادهم فوق الثرى
زينب الصابره ... نجوم امنثره
........
ياحزن مو كافي بعد يجرح سؤالك
كل شاب ويگل للگمر آنه ابدالك
رمله لبنها اتكلمه يبني شجمالك
عريس بالدم حنتك تاليها حالك
قد غابَ في أفقِ الرزايا فرقدُ .... وكانه فوقَ الصعيدِ محمدُ
أجساد اموذره .... نجوم أمنثره
.......
آيات كل آيه ذبح ذبوحها هالناس
ياراس يقره اعله الرمح قرآن ياراس
راس الحسين ويستمع راسك يعباس
وظلت عزيزة فاطمه ما الها حراس
كل الحُماةِ بكربلاءَ تصرّعُ ... لم يبقى للأيتام حدُ يفزعُ
أيتام أمذعره .... نجوم أمنثره
......
سيد عدنان الحمامي
....
|