تبجي الشمس حالي..من شافت الغالي
لن طايح اكبالي..وابجي على الوالي
&&&

انه اختك واخت الحسن
واللي نطه ازنوده..وياك موجوده.والاخت مريوده
انه أختك وام الخدر
جم ولد ربيته..ولحسين انطيته..بعباس وفيته
حسسني كلبي من الجره
من كالو نسافر..يازينب وباجر..بلغني الامر
مابقه بس نوحي..وابجي عل روحي
لن ضاعت امالي..وابجي عل الوالي
&&&
حسين اذا تسمع بجي
من تنشد اشبيها..خويه يااذيها..صوتك يواليها
ياخويه لو صارت حرب
كلها بلا رحمه..ويصوبه سهمه..بعيونه الغمه
ياخويه لو عنك رحت
بعدك يهد حلي..واصيح ياويلي..منهو اليتجيلي
من تبجي احبابك..توكف عل بابك
تعرف شنو سؤالي.. وابجي على الوالي
&&&.
حسين اخوي من الزغر.
عد ما يصيحوني..بااسمه يندهوني ..هوه ضوه عيوني
وياك اعيش بكل وضع
يحسين كل ضني.. ماتبتعد عني.. ولا تستمع وني.
تستمع روحي لو صحت
من غصبا عليها.. روحي اسيلها..بااسمك يواليها
من اكشف اجروحي..ياغايت اطموحي
اجروح دلالي.. وابجي على الوالي
&&&.
اسمعت صوتك والنحر
طلعت الي حجايه..توصيني بهدايه..تشربيهم المايه
زينب يخيتي وبالعجل
من يكعد وياها..حسين ناداها..وبسره حاجاها
أنتظر خويه جيتك
تنزل دموع العين..تنزل الك مرتين ..وتصيح ايا يحسين
صاحت عل هونك..ياخويه يردونك
هل النسه وطفالي.. وابجي على الوالي
&&&
هيمانه روحي اشكد بجت
مثل امي الزهره.. ادموعي منحدره..ياخويه عل الغبره
نحرك صبح دامي
ومكطعه اوصالك..وبسهم دلالك..صعبه يخي حالك
كلبي يفت خويه الصخر
وحالك اشلونه..والروح مسحونه..جبدك يمردونه
عليه شبح عينه..وينشدني جاوينه
ضعن الاجه عيالي.. وابجي على الوالي
&&&
ياخويه يالبيك الامل
اهلي اصبحو قتله..دمكم صبح اغله..نسوانكم ثكله
دمك صبح عكس المطر
ماتنزل الكطره..ربك امر امره..الناس متحيره
اصبحتو انتو بهالسمو
نور السمه البضعه..تشفيها كل وجعه..بس الكم الرجعه
توكف عله ترابي..وتكول احبابي
لو شافت اهوالي.. وابجي على الوالي
&&&
خويه ارد اسرك بالامر
يانور البعيني..ياعمري وسنيني..جرحك مبجيني
تعلمت من هل الصبر
وتعلمت منك..كلبي نشد عنك.. بصبري اضمدنك
عاهدتك والله شهد
كلحنه انطوفه..وبروح ملهوفه..كبرك نجي نشوفه
يانهج الولايه..دمك صبح ايه
دمك صبح غالي.. وابجي على الوالي
&&&

خادم اهل البيت
ابو علي السعيدي