بسمه تعالى
00000
اليوم الجواد نودعه بكل حسره
ونواسي بمصابه علي والزهره
بالسم ختم وبلا جنايه عمره
والزهره الليله اتهل دمعه
000000
باب المراد وللكرم مد جفه
المحتاج يمه ايساعده وبلطفه
معروفه عند الناس لا ماتخفه
ويعزب يكرم زواره
0000000
ننخاه بهالليله ونحلفه بحيدر
كل حال عدنه صار اتعس واكثر
وهذا الوباء اعليه لا مانكدر
سورنه بانوارك منه
00000000
امن الكاظميه النخوه نرفع بسمك
لتخّيب الليله التعنه يمك
هم الموالي يالجواد ايهمك
حاجاته ايريدك تكظيها
0000000
من كل وباء البلد هذا تحميه
والعنده عله ويعتنيلك تشفيه
ومراده كلمن راد منك تنطيه
يمفرج هم اليحتاجك
000000
للباري بيك الوادم التتقرب
يالماترد لليعتنيك بمطلب
كلشي سهل عندك ابد مايصعب
تنخاك الوادم كل شده
000000
للمهدي هالليله عزانه انقدمه
نواسيه ونواسي الزجيه أمه
جف الحقود وللجواد ايسمه
ونودعه الليله بدمعتنه
---
سيد عدنان الحمامي

0000


أبوذيه
000
تعيسه الدنيه عالوادم ترامت
شكثر ناس اعله شباجك ترامت
بحبك كل محب يهتف ترامت
يباب مراد انته للبريه
0000000
رمش عيني يرف عليك وشراف
ياأسمى وأجل الناس وشراف
دناك الموت يبن الرضا وشراف
عليك بغربتك هاي المسيه
00000
سيد عدنان الحمامي