للخدام ----- انكسر ظهري جثيره ذنوبي يحسين
قصيده ولائيه
-
-
المستهل
انكسر ظهري چثيره ذنوبي يحسين
شلون اهناك باچر ياضوه العين
حُبك معتقد بي -- نجاتي من الاهوال
...............
أشوف بعالم الرؤيه ------ چن يلحدني دفاني
علىْ باب اللحد سده ----- ومشو صحبتي وخواني
ظلام او وحشته ضليت ----- نكير ومنكر الجاني
اگعد يالعبد جاوب ------ شجاوب عگدوا الساني
مرعوب واصد بالعين
لچن گلبي نطق بالحين
خادم لبو اليمه حسين ----- بخدمة حسين عنواني
----------------------------------
عافوني وخفوا بالحين ------ لن حسين يلفاني
وگلي يالچنت تذكر -------- حشاك اهناك تنساني
حاظر يالمحب يمك -------- شفيع الباري خلاني
وكل الي ذرف دمعه ------- ادخله اوياي بجناني
تطفي النار هالدمعه
وبلحدك الك شمعه
ترثيني بأ لم تنعه ------ تبچي الناس تنعاني
--------------------------------
ابمد البصر وبلحضه ------- وگفت ابساحة المحشر
واشوف النبي واولاده ------ ايمتي اشبحت ليه انظر
النواضر لاحن العباس ------- من شوگي ركظت اعبر
على الوادم واهم اعليه ----- اشبگه ومنه اتعطر
تلگاني بلا چفين
احظنته احضني بالزندين
لن ذاك السهم بالعين ------ منه يكت دم احمر
--------------------------------
العبره اهناك خنگتني ---- مر موقف رهيب النوب
حرمه امن الحزن والهم ---- ملهوفه تدور اتلوب
دم الدمع جريانه ------ ونتها ابگلب معطوب
بس يحسين اه حسين ---- تصرخ والسمعها ايذوب
اثاري ام البنين اهنا ه
امضيعه اعزيزها وتلگاه
ابو اليمه الطفل وياه ---- نبله ابمنحره مصيوب
--------------------------------
يمين انظرت بعيوني ----- بصرت الحشر والوادم
كلها واگفه اهناكه ------ مبغض محب والنادم
لن سمعي دخله صوت ------- غضو البصر للقادم
طخو روسكم يا ناس ------- نظركم للجدم لازم
لن الطاهره ام حسين
بديها رافعه الچفين
والمثلث وسهم العين ------ يتگاطرن كلهن دم
---------------------------------
اجاها الصوت شتأمرين -------- گالت سيدي المعبود
اريدن شيعتي منك ------- منطيني عليها اوعود
واطلب مغفره ليهم ------- وبالرحمه عليهم جود
كلها ابجنتك ربي -------- اريد اتجازي يامحمود
تدري يالاهي ابدم
واسوني وتحملوا هم
وجاري اعليه مدمعهم ------ وهذي ادموعهم اللشهود
وهذي ادموعهم اللشهود
-----------------------------------------
اللهم ارزقنا شفاعة الزهراء
|