.
.
ليلة الوداع .
.
.
الستهل
..............
ليلة وداع وسهر -- وأقره آيات وسور --
للوحشه اصلي بالفجر --- تتذبح الوكت الظهر-- ربي سترك ربي سترك
..................
حسين آخر يوم عمره أويانه ظيف بكربله
من اشوفن وجهه آيه وضاويه بالبسمله
بخيمتي كلسا اصلي للحفظ فد نافله
حفظه ياربي أندعيله حسين ماغيرك اله
رهبه ليلي مو سهل -- نومها عيني تمل
چم ساعه هاليل أو يمر --- تتذبح الوكت الظهر --- ربي سترك -- ربي سترك
...........................
شلون لمة أهل وأخوه والشباب امنعمه
وصار ليل وجن عليهم والمنايا امخيمه
من أبويه اربع أخوه أويه الحسين أمحزمه
حزام ظهره بهل المسيه وباچر بفيض الدمه
رهبة اعطاشا وخطر -- لاگلب بينه أستقر
ليله اخيره أمن العمر --- تتذبح الوكت الظهر
ربي سترك
..........................
هاي ما أرضاها عيني اليوم اذا غمظت جفن
وكون أگطع گلبي هذا لخوتي لو مايحن
وخلي بين اضلوعي ونّه أو لايسمعوني أون
عسن هذا الليل طول دهر ريته ولايجن
بهاي لمتنه سوه -- ويانه حزنان الضوه
الباچر يريد ألنه صبر --- تتذبح بوكت الظهر --- ربي سترك ربي سترك
......................
الليله ماضميت دمعي فاض من عيني الدمع
وآه گلبي شلون أحسه ايطيح ويلزمه الضلع
من شفت رمله الولدها حنه ومحظره الشمع
وأم الاكبر تندعيله تگول لابي أنفجع
حسين وآنه بخيمته -- بنحره بسته وغُرته
بگلبي الكسر ماينجبر --- تتذبح الوكت الظهر -- ربي سترك ربي سترك
..........................
لحظه لن يمي أجاني الگمر وآنه بخيمتي
بوجهي يتبسم أخويه وباسني من غرّتي
گالي أفديچ عمري زينب وكل أخوتي
گتله خاف اخلاف عينك خويه تجري دمعتي
لا يبت عقد الوله -- عندي انتي أمدلله
وسكتت ماعندي عذر --- تتذبح الوكت الظهر --
ربي سترك ربي سترك
...........................
رمله سهرانه اويه ابنها بروحها اتهز المهد
ضامي گلبه وجف صدرها وأيست منه بعد
تعاين بوجه وتگله شحالها التفگد ولد
راح اظل بثوب الاسود يبني يبني للأبد
بدمعي اجرح هالجفن -- ايمّوت أفراگ الابن
من باچر اخيامي جمر --- تتذبح بوكت الظهر -- ربي سترك ربي سترك
.................
سيد عدنان الحمامي
--
الحمد لله
|