.......
محمدعباس عاشور
لمة عزه-
-
ضحه الحسين بحياته—بحربه ما أخر صلاته
---
منهج حسين بنهظته—صحح الدينك مساره
بالحرب واصل فروضه – بالصلاه صار انتصاره
بساحة الموت ويصلي – والمنيه بانتظاره
ثبت النهج الله رايه – واصبح الكل حر مناره
كل فرض عنده شغلاته – ضحه الحسين بحياته
--
واگف بجبهه ويصلي – والسهام اتراشگنه
,ماترك فرض العباده – هاذي اعظم صوره منه
منك ومني شيريده -- وحتى يظمن النه جنه
الكل فروعه الدينك اعمل -- صالح ايريده العملنه
من علي يحمل سماته – ضحه الحسين بحياته
----
قصد الحسين ابجهاده – يالمحب اسلك دربنه
كل عمل ميقبله الله – المايصلي اشما يحبنه
توگف وتتوضه نيتك – خالصه للباري ربنه
بهل العباده الله يغفر – وهوه اليجازي تعبنه
مؤمن اليعبد صفاته – ضحه الحسين بحياته
----
احفظ الدين وفروعه – والتزم شرط العباده
خمسة اوقات بصلاتك – احرص اعليها وزياده
للنوافل وبسجوده – العابد ايطمن فؤاده
والصلاة الليل تابع – ينطي للصله مراده
ذخره لو حانت وفاته – ضحه الحسين بحياته
---
عينك بعين الله وانظر – تنفتح عندك بصيره
لالله تتوجه ذليل --- هوه ربك ماكو غيره
بصالح اعمالك تمسك – لاذنب لا من جريره
ويه الحسين بمسيرك – ايقبلك وتصبح نصيره
يامقامك وشعلاته .. ضحه الحسين بحياته
...
بخدمتك لحسين جاهد – تخدم ومخلص نشوفك
بالعزه حاضر تواسي – الصدرك اتوسمه بچفوفك
لاتظن من تبقه وحدك – حسين ابو اليمه يعوفك
يطمئن گلبك وكتها – وينتهي من عنده خوفك
كل محب باچر نجاته – ضحه الحسين بحياته
...
سيد عدنان الحمامي
--