.المستهل
.
كبر جبريل انسمعه.. ياهام اليوم انصاب
حيدر طاح بمحرابه.. من دمه صار خضابه
ياهام اليوم انصاب
.
. هالليله صوت امن السماء الفجعه
وصوت المناحه كل مكان* اتسمعه
حتى نظام الكون يختل وضعه
ياراس الدين وشرعه.. يامنهج عرش الله
طبروا للدين كتابه.. من دمه صار خضابه
ياهام اليوم انصاب
.
آخر صلاه حيدر علي صلاها
وسجده الاخيره الخالقه اهداها
راد العباده تنعرف معناها
كل عابد ياخذ منه.. هذا الإخلاص ايكون
للحق وضح أسبابه.. من دمه صار خضابه
ياهام اليوم انصاب
.
هذا الذي يوم الحرايب معروف
فارس بدر وحنين حيدر موصوف
كل الكتاب ترتهب منه بخوف
خيبر تشهد لچفوفه.. لمن دحاها الباب
چفه الدحاها البابه.. من دمه صار خضابه
ياهام اليوم نصاب
.
اخر وداع انودعه هاليله
وحادي المآتم بالنعي يحديله
من الگلب دمع الحزن نبچيله
جمرة حزنه شيطفيها.. تتلاهب بالارواح
حا ياحيدر ومصابه.. من دمه صار خضابه
ياهام اليوم انصاب
.
زينب والحسين وحسن ياحاله
برمضان غيبوا للصميده هلاله
سيف الغدر من بالصلاه يدناله
يختم عمره بهل الطبره.. تاهت عگبه الايتام
ايتامه كلها احبابه.. من دمه صار خضابه
ياهام اليوم انصاب
.
ايتامه ظلت بالدموع وحيره
ماعدهم اليعطف عليهم غيره
شكبر المصيبه بعد عينه چبيره
ياهو اليرعاهم بعده.. ايتامه بلايه معين
يخفف للعوز أسبابه.. من دمه صار خضابه
ياهام اليوم انصاب
.
سيد عدنان الحمامي