ش )

فائزي
(مستفعلن - مستفعلن - مستفعلاتن)

يالمرتضى انخيت العرش **** يبجي الحسرتي
والشمس صـارت ياعلي **** اتحن الدمعتـي
______________

رمز النساء الصابره ابحلمي وجهادي

مهضومة لنّي ابحضرتك والحزن بادي

موجود ريتك ساعة الرعبوا اولادي

ضلعي انكسر ياحيدر وذابت مهجتي
______________

ياوالدي ريت اتحضر في ساعة الباب

والدار حركوها عليّه وكلبي إنشاب

ناديت احضر ياعلي والدمع سجّاب

عصروني عالحايط لمن ذابت جبدتي

_______________

ونيت أنه يابالحسن من طاح الجنين

وبكلبي ياعقد الوله شو زاد الونين

بوجودك اشلون انضرب يامهجة حسين

بيك انتخيت وجنت اظن تنشف دمعتي

_______________

طحت وصحت يافضّه كوميلي وتعالي

طاح الجنين المنذبح راحت آمالي

سطروني والسطرة صكط من عدها غالي

ضلعي انكسر يافضّتي وحانت فركتي

________________

كمت وطحت يابالحسن فوك الوطيّه

بوجودك اشلون انهضم وآنه الزجيّه

وبداري يافحل الزلم تحرك سريّه

صحت انتهيت وجنت اظن تحضر دفعتي

________________

ياهازم ابطال الشرك ومحير السيوف

ودكوا البابك ياعلي وماهمه بضيوف

والعذر مو ثوبك لجن بالصبر معروف

حكك لون يابالحسن ماكو ابضربتي

_________________

بقلمي خادم اهل البيت (ع)
عبدالله العتابي