بمناسبة انتصار جيشنا الباسل والحشد الشعبي البطل
قصيدة :
بمناسبة انتصارات جيشنا الباسل , والحشود الشعبية البطلة , وابناء العشائر الابطال . حفظهم الله جميعا وسدد خطاهم وايدهم بنصره.
عباس طريم / اريزونا
__________________________________________________ __________________________________________________ __
يمه اعناد وصلونه اليزيديه ... اتحزم يابعد كل اهل
دبيه
واطيني البرنو مال جدك لوح... وشوف اشلون اصيب الهدف
بالريه
شيل اعكال ابوك وسير للجبهات.. حته اطلع وازامط بيك
الخريه
وهوس هوسة الابطال بالميدان .. وكول اني العراقي واني
راعيه
[ ها ها انكص ايده اليوصل حدنه .. وهدينه وياهو ايردنه ]
ولك للبيت اجونه وباكو النفطات .. وخلو هالبيوت ابليل
عاريه
يمه اعناد اشوف اوجوهم ملحان .. وريحتهم عبالك جيفه
مرميه
ريحتهم كريهه اتزوع البزون .. يمه الله واكبر ما مش
اميه
انه اشميت واحد راسي فر فرتين ...اظن سابح سنة الف
وتسعميه
انسحنت روحي اوشالوني للدختور .. وكلي أشامه القنبله
الذريه ؟
شياطين ولحاياهم تخط بالكاع .. وشعافيهم تنث ريحه
فرنسيه
اجونه ايحررونه ونرد للاسلام .. [ ويصرخون كلا
للعبوديه
لا للكفر يا اخوان والالحاد .. كونوا مثلنا واتبعو
البازيه ]
شو كنسو ذهبنه وكل الفليسات .. طلعو يا بعد جبدي
حماميه
الجامع فلشوه تشليف حد الكاع .. وكنيسة مريم وخلوهه
عاريه
ورجعوا عالتراث وهدموه تهديم .. وباكوهه التحف كله
الافنديه
حته السني ابن البلد ما رحموه .. ولا حفظو شرف حره
مسيحيه
والنسوان شالوهن بالتريلات .. ما عدهم شرف لا غيره
هتليه
ويكولون كل البشر ينذبحون ... السني والمسيحي
واليزيديه
والصبي , الفيلي والكرد والسيك .. كلهه اتموت في عرف
الوهابيه
ويكولون عدنه الكتل بالترتيب .. لان هذي الحرب عدنه
مصيريه
نكطع راسهم بالفجر بالسجين .. مثل ما بالاكل نكطع
الركيه
والشيعي فقط ينشوي بالتنور ... لان لحمه لذيذ وطيب
اشويه
وانخلي عليه معجون وابهارات ... كلش حاره ابهارات
هنديه
وكبل لا ينثرد كل الوهابيين ... تصلي ركعتين الابن
تيميه
حته الله يتقبل شريد القوم ... ويقدم لحضرتهم
حواريه
ولان الجنه ما يدخله كل ذباح .. بس ذباح اتباع
الاماميه
يمه اطلع وكلهم عدنه خوش ارجال .. تشري الموت لو نادت
الحريه
وكلهم هاي ارض حيدر علي الكرار .. سيف الله عالظالم
وحاميه
هاي ارض الحسين الكال للاوباش .. لا للذل .. هالجلمه وبقت
حيه
ما تنذل ارض بيهه البطل عباس .. الصال ابكربله وهد
اليزيديه
وبنه الصرح الوفاء اعروش يابو عروش .. ظلت بالكتب تنذكر
يوميه
هاي ارض المعظم شيخنه المبروك .. بكل هاي الارض نفخر
ابطاريه
وعبد القادر الشيخ اليجوه حفاي .. من الهند وامصاره
ونواحيه
سني وشيعي بالجبهات ايد ابايد .. والاكراد كلهم
والمسيحيه
وبعد كل الطوايف تحمي الجبهات .. بسواعدهم ارضنه الحره
محميه
ما يغدر رجل بالعرف والاسلام .. والميدان هذه
يالوهابيه
اليموت اعله الوطن موتت شرف ما مات ..حي يبقه وابد ميموت
طاريه
وشعبنه امن الصغر ما خاف من الموت .. اذا ناده الوطن للموت
عاديه
يصحاب الوجوه الظلمه مثل الليل .. ياجلحان يلكلكم
رعونيه
ياجزار يلتغدر وكلبك سوء .. واتأذي البشر والحجر
والميه
هذه انه الاجيت ابسيفي للميدان .. مو مثلك غدر
بالانتحاريه
حته الناس والتاريخ هم ايشوف .. وتحكم بالشجاعه اعليك
وعليه
اليطب ابكاعنه كبره يصير اهنا .. اسأل واقره عن ارض
العراقيه
عراقي , المعتدي مني يشوف الموت.. ومن ايضيفني ايشوف
العزوبيه
____
|