-- موشح

--

ابحزن ليش الكربلاء انشوفها -- ياهو يستقبل يگوم اضيوفها

واويلاه -- واويلاه

--

ليش ظلمه ابكربله وبيها الحزن -- وبيها نسمع كل نبي ومرسل يون

ماعله الايتام من واحد يحن -- وين ناس اعله الخلگ معروفها

واويلاه -- واويلاه

--

وين اهل مكه ومنى هل من مجيب -- وين أولاد الذي ال لله حبيب

هاي ايتام وعله منها النحيب -- جروح بيها وبالدموع اتروفها

واويلا -- واويلاه

--

وين اهل سورة بره والعاديات -- وين اهل نون وقلم والذاريات

وين اهل صفوه واهل مروه الابات -- واهل من للدانيات اقطوفها

واويلاه -- واويلاه

--

وين اهل الشرع وين اهل الورع -- وين من هدمّوا أركان البدع

هذا ضعن ايتامكم ليكم رجع -- گوموا طردوا امن الفواطم خوفها

واويلاه -- واويلاه

--

وينهم اهل العلم واهل اليقين -- ليش عن اعيالكم غمضت العين

وين الاخوه الاربعه أمن ام البنين --صدگ ظلت بالأغماد أسيوفها

واويلاه -- واويلاه

--

وين عباس الشهم والمفخره -- وين شبل الاسد سبع الگنطره

مايگوم العيله هاي امحيره -- عگب ماشگفت اسياط امتونها

واويلاه -- واويلاه

--

سيد عدنان الحمامي