أثنتان من البنات الصغار كانتا بصحبة أبيهما أثناء أنفجار الكوت
الذي حدث أول أمس
ذهبا ليشتري لهما الوالد ملابس العيد ...
ولاكن فجأة تطايرت ملابس العيد مع أشلاء البنتين والاب الجريح ينظر اليهما
...........
عن لسان حال الاب في العيد أقول هذه الابيات\
أشمال البيت سنطه.. وخانس أشبيه
وجانه العيد حسبات وهواجس
مرّن بينه يبنيات بالعيد
بلياچن أهلال اليهل عابس
كليچت عيد أ ُمّـچن حظرت اليوم
وشريت الچن جديد ....احله الملابس
تعالن بويه,,,,,,, جونه هواي خطار
يامحله الهله وچف اليطالس
تعالن وانه اصعدچن مراجيح
وآآآخذچن وصوغ ألچن محابس
شوضعتن غفل ؟؟؟؟ وي بدلت العيد
ها عدلات.... ها ميتات ...ماحس
شمسويات خذچن منجل الموت
حش أعمارچن وانتن نوارس
ريحانات اشمچن ساعة الضيج
وأفكر يوم من ترحن عرايس
شلون اصبر يبويه واحبس الغيض
باچر لو شفت حلت مدارس
ابوچن ماحرسجن من دوه الصوت؟؟؟؟
يريته بالمگابر كون حارس
شدعي أعليك يالّتّــفجـّر الناس
يعلك بنفجار وكون فاطس
كفرت أبدين يفتي ابذبح ألأطفال
ويفجرَّ مساجد والكنايس
بقلم محمد ابورغيف