حزنان من هل العيد..من شلت يابويه بعيد
دارك محزن ياعلي..انه وخواتي وكل هلي
مالبسن الثوب اجديد

حزنان بويه ياحزن..بالنوح كاظيهه واون
وعيوني سالت جالمزن..انت يربان السفن

واصرخ واصيحن ياعلي..انه وخواتي وكل هلي
ياحيدره انت الحيد

دارك يابويه مظلمه..ونصبت عزاكم فاطمه
وياهه حزنان السمه..من راح راعي الغانمه

تخلينه بالهم ياعلي..انه واخواتي وكل هلي
بس شوفتك احنه انريد

برمضان يمه اتلوعت..وبالعيد ابوي وماشفت
عليكم اون ومن نحت..لمصاب امي اذكرت

وصتك كالت ياعلي..انه واخوتي وكل هلي
وعليك شكينه الجيد

تحملت بويه من الالم..اعليك امضى من السهم
اليوم من خط القلم..نلعنه كلمن من ظلم

وبلغ بكتلك ياعلي..انه وخواتي وكل هلي
غيرك يبويه منريد

كثرت جروحي بشيلتك..من عكب جنت بصايتك
ترعاني تحت حمايتك..اليوم روحي نادتك

روحي تحبك ياعلي..انه واخواتي وكل هلي
نتذكر اسمك ونعيد

خادم اهل البيت
ابو علي السعيدي