ام الرضا ع --- طلب الحاجه من الله في حقها
بسمه تعالى
سلام عليكم
-----
امس مرَ بيه شكالي حالته
شخص مهموم ويكابد علته
-----
امس مر بيه شكه هم العليه
وجهه اصفر ترتعش حتى اديه
رميه من الزمن من سولفلي بيه
وبيدي من عينه امسحتها الدمعته
----
امسحت دمعه وگتله شمضيع حبيب
لويشح من عندك ابغفله النصيب
گال دليني السؤالي من يجيب
اعرفت من حچيه سؤاله وغايته
-----
گتله لم الرضا روح ابلهفتك
وعلى طولك هلها يمها الدمعتك
شوف من همك اذا مانجتك
ولله لليگصد تبرد مهجته
-------
روح گلها بالرضا اقسم عليچ
ونتي متردين مهموم اليجيچ
بالرضا يم الرضا والامل بيچ
محب آنه وطلب منچ حاجته
-------
هاي ام الرضا ماتبخل عليك
امن ايدها الطلبه تخليها بديك
اي وحگ الباري والهادي نبيك
ابد مايوم اليجيها فشلته
-----
راح لم الرضا وبلهفه وانين
وطلب منها اتعوضه جور السنين
اخذ منها شماطلب اي والحسين
ونال منها اللي يريده وفرحته
-------
---
|