(( يبني يالقائم -- يبني يالقائم ))
كوم يبني عجل واطلبلي ثاري
يبني واظهر وإطفي يالموعود ناري
انه إمـك فاطمـه الطال انتظاري
يمته تظهر للعدو يبني وتحاكم
كوم يبني حرمتي الكوم أهتكوها
وباب بيتي بنارهم يبني احركوها
والنذل صاح الوديعه روعوها
كوم يبني وطالب بكل المظالم
كـَسـرَوا إضلوعي و وكع مني جنيني
سطرت الخد يالولي طفتلي عينــي
ثـﮕلن إجدامي وصحت فضه إسنديني
كـوم إخذلي الثار يـا ذخر الهواشم
********
خِلص صبري ونحلتي مني خذوها
والخلافه من علي يبني اسلبوها
روحي بالاحزان والغصه سكوها
روحي إفديها لون يرجعلي سالم
هاي عمتك زينب البالطف تنادي
راح مني كافلي الـﭼان إعتمـادي
إظهر وخل يبرد ويشفى فؤادي
تاخذ بثار الحسين وثار فاطم
رقيه يبني هناك بالشام إهضموها
حتى شربت ماي طلبت ما نطوها
بالطشت حركوا كلبها أبراس إبوها
شكبره هَمي يالولي بس الله عالم
يبني يالقائم -- يبني يالقائم