قصيده لطم للزهراء(عليهه السلام)
***************
ﻳﮔطر دمعهه بكسرة ظلعهه
بس فضه يمهه تحمل المهه
بكسرة ظلعهه
**************
هاي ام ابوهه يوم الولوهه
من شوغوهه نادت يحيدر
عصروهه بالباب التندعي اصحاب
وينك يبو تراب تتمنه تحضر
تنضر ابعينك حال ام بنينك
وانته ابحنينك المرمر تفسره
يفجع وظعهه محد سمعهه
نشف دمعهه ﮔلبك تأثر
أبابك الاثار ضل دمهه تذكار
ولومر اسمهه تحمل المهه
بكسرة ظلعهه
**************
على عتاب الدار شخلف البسمار
تدري ياكرار شعظم المصيبه
ﭽف السطرهه بحقده نظرهه
تودع عمرهه مثل الغريبه
فظه وياهه عليهه ﻣﺒﭽاهه
زاد بلواهه ليله رهيبه
ﮔلوب منفجعه الحالت البظعه
تهمل الدمعه ظلت ﺳﭽﻳﺒﻪ
محمر جفنهه تكتم حزنهه
ياهو الهظمهه تحمل المهه
بكسرة ظلعهه
*************
ساعة التغسيل بيك ماظل حيل
دمع جفنه ايسيل حالته صعبه
ينظر الزهره بحسره وبعبره
الظلع وبكسره الراح شيجبره
والحسن وحسين نادو ابهل حين
دمع عالخدين حملو الرهبه
يمه نادوهه بدمع ﺷﺒﮔوهه
ميته عرفوهه ودمهه بالعتبه
وين راحت وين ام حسن وحسين
ادفن جسمهه تحمل المهه
بكسرة ظلعهه
*************
بهيده وياهه ﺘﻟﭽﻡ عظاهه
الظلع اذاهه ماجبر كسره
من تصب الماي ياوسيع الراي
عالظلع بهداي ﺘﻟﭽﻡ الزهره
ظلع المصوب عليهه يتغلب
نادته يارب تستعر جمره
هاي بت ياسين ام ةحسن وحسين
وزينب ابياعين تنظر بعبره
تحمل الوعه بروح مفجوعه
ظلت اتشمهه تحمل المهه
بكسرة ظلعهه
****************
يمهه محسنهه نيمه بحظنهه
نشف جفنهه ياعلي اليله
صعبه حالتهه اﻟﮔوم فجعتهه
والي ظلمتهه ظلمت العيله
نفس ذﻳﭻ اﻟﮔوم ظلمت المظلوم
والصبر هاليوم موطفح كيله
حلت الاحزان اليله بالاوطان
ياعلي القران انته ترتيله
ﭽف العصرهه هوه السطرهه
ماﭽل عزمهه تحمل المهه
بكسرة ظلعهه
**************
شاعر اهل البيت ( عليهم السلام)
حيدر العارضي