:: منتديات السيد عدنان الحمامي :: - جاوبها ابعيونه التهل

مجرشه
مستفعلن مستفعلن = مستفعلن مفعولن
___________
ولو وصّلت مكتوبي++خبّر بعد محبوبي
شبل الوصي حامي الجار++والكلب رايد اخبار
++++++++++++++++++++++++++++++++++++++
عمّي يلمسافر تره++ريّض واخذ مكتوبي
وكلهم عليلتكم بكت ++ ذابت وحك محبوبي
وكلهم حبيبتكم بكت ++ ظلّت تون بدروبي
وهاي الوصيّه ابذمتك ++ عارف بعد مطلوبي
وعبّاس اخبره ابحالي ++ وقبّل ابوي الغالي
الضيغم شبيه المختار ++ والكلب رايد اخبار
++++++++++++++++++++
جاوبها ابعيونه التهل ++ لكن عرفها ابحيره
ياسايله كولي السبب ++ كامت تنوح الديره
جدّي النبي سيد البشر++والدي حسين الغيره
وعبّاس سبع الكنطره++ عمّي بعد تفسيره
ولو وصّلت مكتوبي ++خبّر بعد محبوبي
ابن الوصي حامي الجار ++والكلب رايد اخبار
+++++++++++++++++++++++++
ولمّن سمعها اتكلمت++ كامت تسيل ادموعه
لكن انشدج شلسبب++بالدار لن مفزوعه
كالتله تعّبني المرض ++ روحي اصبحت مفجوعه
واجفوف سبع الكنطره ++وسط العرش مزروعه
كلبي الجريح اتسمعه++ وبالكلب هاي الدمعه
بين الاهل ليل انهار ++ والكلب رايد اخبار

++بقلمي++
خادم اهل البيت(ع)
عبدالله العتابي