هاي زينب نوره مضويهه..شحد ظالم لويجي يطفيهه؟الى مولاتي العقيله ع اقول
 

هاي زينب نوره مضويهه
شحده ظالم لو يجي يطفيهه

شحده ظالم لويجي عليه يمر..نشوفه احنه الويل ودورب اليمر
شحده يدنه الباب وعليه يمر.. هاي زينب واحنه انحاميهه

احنه وي زينب رددنه بعجل..ربي كون اليوم ونصيح بعجل
ذوله ربع السامري ربع بعجل.. شحده ظالم لويجي اياذيه

هاي زينب ليه خل نرفع علم..وخلي يدري المادره خله علم
تبقى زينب شاهده وهيه علم.. شحده ظالم من يجي يبجيهه

شحده لو ظالم من عدهه عبر..انسويه بيه الصار ادروس وعبر
نخلي كل الكون ينشره عبر.. بالمجالس جلمه لازم النحيهه

شحده لو ظالم دنه وهذا وعد..اسنين للبيعه انتظر الهه وعد
حضرت كل لامتي والهه وعد..هاي عملت كربله نسويهه

هاي عملت كربله ويوم المنى..اي وحك رب النكصد و المنى
جرح بيه اليوم كلشي والمنى..بجرح كلبي زينب النحميهه

جرح كلبي زينب تروف اليروح..مني خل يروح ماهمني اليروح
اشتظن لحسين ماانطيه اليروح..افدي روحي لزينب وانطيهه

افدي روحي وعيلتي وكله هلك..المامشه وي حسين صدكني هلك
لون ملج الموت باافعاله هلك..لاتخاف الموت يم باريهه

خادم اهل البيت
ابو علي السعيدي

الاخ الرائع
والشاعر الحسني
والقلم الموالي
السيد الشاعر عدنان الحمامي المحترم
قلمك لاينضب اتمنى لك الاستمرار والتقدم بحق من كان الحق
مروركم الكريم وتواجدكم في صفحتي شرف كبير
اعتز به وفقكم الله لكل خير




تحيات
اخوكم
ابو علي السعيدي