بسم الله الرحمن الرحيم
اللهم صل على محمد وآل محمد وعجل فرجهم

لظــــــــى صــــــــدري ( لأستشهاد الزهراء عليها السلام )
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ ــــــــ
لظى صدري === مدى عمــري

على الزهراء === على الزهراء
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
على الزهره أبد ما تنتهي الأحــزان == لظل طول الليالي إبحسرتي إو سهران
لبث آهات تفطر كل گلب حيران == وأنــادي ياإلهي إلعن ردى الشيطان
أتى ليلـــــي === وفي ويـــــــلِ
علا جمــري === مدى عمــري
على الزهراء === على الزهراء
ـــــــ
زغيره إو فارگتني فاطمه الزهره == خلّــت بالگلب جمره إبأثر جمره
مكسور الگلب ما ينجبر كســـــــــره == مجروح إو نزف دمّه إو صعب أمره
ذوى شمعي === يرى دمعي
أسى يجري === مدى عمري
على الزهراء === على الزهراء
ـــــ
أطب للدار ما أگدر أظل بيهــــا == أخاف إتريد أمها لو أحاچيها
زينب هاي وأدري الضيم حل بيها == وَصّتنــــــي الشفيعـــــه دوم أداريها
هِيَ المحورْ === شجى يكبــرْ
دُجى فجري === مدى عمري
على الزهراء === على الزهراء
ــــ
أطب للدار أحس إبلوعة الحسنيين == علـــى أمهم يهلون الدمع كل حين
وأگابلهم تظل ويّاهم العينيين == تربي للمكان الودّع أم إحسين
دمُ العيــــــنِ === برى جفنــي
شكى صبري === مدى عمري
على الزهراء === على الزهراء
ـــــــ
تمُر بيّه طيوف الزهره تاذيني == وأسمع صوت من عدها يناديني
يبو الحسنيين بنتي زينب إو عيني == لو شــــر مَرْ عليها إو ضيم يعميني
وفي قلبـــــي === صدى حُبّي
شجى يسري === مدى عمري
علـــى الزهراء === على الزهراء
ــــ
مُصيبة فاطمه فتحت مُصايبنه == منها وإبتده الباطل يحاربنــــــــه
والآلام ويّانـــه إو تصاحبنـــــه == ندري فاطمه الزهره تعاتبنه
أيا ثــــاري === علت ناري
سعى ثأري === مدى عمري
على الزهراء === على الزهراء
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=e7c27a1703