:: منتديات السيد عدنان الحمامي :: - موشح بحق الزهراء سلام الله عليها

(المستهل )

والله يا حامي الدخيل أنشد عجب
بهجمت الدار أصبرت شنهي السبب
**********

العتب ياحيدره أموجه الك
وأدري آنه أبسيفك ايدور الفلك
ومنهو يگدر بالنزال أيعادلك
والسمع بسمك تضعضع وأرتهب

**********

تجاوزت مولاي ليك أنطي العذر
وانته من الهادي مأمور أبامر
تصبر وتتجرع العلگم صبر
ولوله صبرك لا ولا واحد وثب

**********

مرغم أتبايع حفاظاً عالشرع
وما بگه أبگوم الحقد واحد ورع
والغدر والله انطبع بيهم طبع
والجره أبدارك مگدر وأنكتب

**********

هجمت اعله الدار والله ورادته
يبايع ويعلنهه شرط ابيعته
حيدر وخمسه البقه من صحبته
رفضوا البيعه لچن أمر انحسب

**********

رفضو البيعه وتحدوهه السيوف
مايهابون المنايه والحتوف
يدري أبو الحسنين اگليله الچفوف
ويدري دون الگوم بس هوه انطلب

**********

حدثه الهادي خبر عن ماجره
سلم أمره بعد قلة ناصره
وأخرجوه الگوم مرغم حيدره
وطلّعوا من داره والحگ انغصب

**********

والله لو جدامه صاير هالعمل
دفعة الباب وضلع منهه أنهدل
چـان بركان الغضب طگ وشتعل
وحوَّط أبكل بيت منهم باللهب

**********

حيدره بتنفيذ الأوصيه ألــتزم
وجرع كاسات الصبر أقسم قسم
ولو سلت فقارة چـا محد سلم
لاچـن أسترجع وحوقل وحتسب

**********

أي وحگ زمزم وحگ مروه ومنه
حيدره لوچـان لا محد دنه
وچـا گطع روس النذآله الخآينه
وللعرين شحده لو واحد چـهب

**********

اسئلكم الدعاء
محمدابورغيف