|
عبد الله الرضيع -- هاك اشرب يعبد الله دمع عيني
بسمه تعالى سلام عليكم ----- --- هاك اشرب يعبد لله دمع عيني شح الماي يبني بينك وبيني ------ شح الماي اجيب الماي گلي امنين يبني ومابگه غير الدمع بالعين ريت البين يعبد لله خذاني البين بيدي اتموت هالدنيه تراويني ----- تراويني الدنيه اتنازع بهل الحال يازهرة حياتي ونبعة الامال جمر اظماك يحرگ يبني بالدلال يچويني احس اظماك يچويني ------- يچويني واعاين حالك برهبه وعينك بس على امك يالولد تربه راح اعصر اعيوني المايهن شربه وأخذ شريان گلبي اللي يغذيني ----- يغذيني القهر يبني اوانين الروح واهز مهدك ييمه بالالم والنوح مو هينه يعبد امن اديه اتروح بثياب الحزن يبني تخليني ----- تخليني ابحزني وحسرتي وروعي ويظلن كل وكت دم تهمل ادموعي تسع تشهر مهد صارتلك اظلوعي ييمه ومن اناغيلك تسليني ----- تسليني چنت سلوه يبعد امك يعبد الله وچنت كل ساعه اشتمك ليل انهار اناطر گاعده يمك اعاين وجهك الهمي ينسيني ----- تنسيني اهمومي من اعاين ليك عيوني افراش الك وجفونها اتغطيك لومن الهوه يوليدي اخاف اعليك والياذيك احس يايمه ياذيني ---- شلون اليوم عني تبتعد عني وليش ام المنايا اخذتك مني يعبد الله ييمه ينگطع ظني وايامي بعد مدري اشتراويني ----- سيد عدنان الحمامي --- - |
ساعد الله قلبك يا سيدتي ومولاتي الرباب
ابيات مؤلمه ادمعت عيوننا سيدنا الجليل اسئل الله ان يوفقك لخدمة اهل البيت الاطهار .http://www.lakii.com/img/all/Mar09/fHUMES03020529.gif |
خادمة الشفيع الشكر للمرور الطيب و ربي ايبارك بجنابكم ان شاء الله لكم دعائي |
لافض فوك سيد عدنان قصيدة جميلة تحاكي عبرات كل من قرأها لتأخذه بشجونها الى واقعة الطف الخالدة اسأل الله ان يتم عليك بالعافية والخير.. |
جزاكم الله خير الجزاء
على هذه الكلمات الرائعه والمميزه |
بسم الله الرحمن الرحيم اللهم صل على محمد وآل محمد الطيبين الطرين وعجل فرجهم يا كريم السلام على الحسين وعلى علي ابن الحسين واولاد الحسين واصحاب الحسين وعلى منحر عبد الله الرضيع وعلى غربة زينب ودمعة زينب وحيرة زينب عليهم السلام كلمات مؤثرة لا اسكت الله لكم قلم مولع بحب أهل البيت بوركتم |
احسنتم كثيرا بارك الله فيكم
|
| الساعة الآن 02:13 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010