:: منتديات السيد عدنان الحمامي :: - سر خلودك * سراج السلطاني

سر خلودك

سر خلودك آية معناها الوجود*****وضي جلالك غاية تكَصده الحشود

عالثرى لمن نزف دم منحرك*****ربنه بالغيب ابجلالة صورك
وبمعاني القدرة حاكم قدرك*****ماضي حاضر والله بس نورك يسود

ماجرة دمك جرة دم الكتاب*****واليعيب اعلينة نلطم بالمصاب
مادرة احسين الدعاء المستجاب*****بكَبتة باب الجنة مفجوعة وتذود

هالحقيقة ابساعة لابد تعتلي*****وتحكم العالم نفس راية علي
والظلم مايعلة لازم ينجلي*****هالله هالله اشلونها اسيوف الجنود

سر وجود احسين معناه الحياة*****والله لوما وجهة ماطاب الفرات
لو قنت يرفع عمود الأمنيات*****وبسجودة الانبياء اتحل سجود

بس اله الكون يكَدر يوصفة*****ولو وصف شخصة صار المصطفة
هذا حكـَ حسين واسلوب الوفة*****والزرع عكَلة الثمر باجر يحود

وبمسافة جفني للعين الدرب*****زيارتك اكَصدها يانور الكَلب
ومرقدك عالخد دموعي اللي تصب*****لازمت انفاسي انته اشما تعود

هذا منهج بي تعلمنة الصلاح*****صرخة من اعماكـَ وجدان الكفاح
حب ابو السجاد مفهوم الفلاح*****بالشرف والطيبة مكتوبة البنود

كلمات سراج السلطاني