ياباب الحزن
 

ياباب الحزن جبت العمر مفتوح
كلي بياوكت ينسد قفل بابك
بسك ماتمل خزنت كلبي جروح
شجاك وسجلتني بورقه احبابك
سيفك مايمل يركض عله المذبوح
اخافنه نساك يذكره بصوابك
نتعذر عشرتك والعذر مسموح
ماندري الجرح نام اعله عطابك
ذرفنه بحضرتك دمع الندم مفضوح
لويدري الجدم ماداس بعتابك
بصوابك عشت عمري شريج النوح
ومسامري الونه بليله مصابك
جبت عمرك وفي ماخنت مره الروح
وانه اترجاك هسه تخون بصحابك
شسولف ياجرح شحجيلك بياجور
وانه البيه الفكر ماغير اطباعه
صرت كارت حطب بشفايف التنور
وتدري انته بحلوك النار طماعه
وتدري بلاغصن مايرهم الطير
وانه طير الحزن المفارك اوجاعه
عايش عالحزن وضيم بيه يفور
ساعه يوج دليلي وينخمد ساعه
موطبعي اشتكي بس ياحزن معذور
ماعندي كلب يفرضلك الطاعه

موفقين ان شاء الله في خدمة محمد وال محمد ص

اسئل الله لكم العافيه

تحياتي ودعائي

اللهم صلي على محمد وعلى اله الطيبين الطآهرين
بارك الله فيك ع الموضوع
عسى يكون في ميزان حسناتك
وفقك الله بكل خير