|
-- وين رايح گاطع ادروب السفر -- للمسير
بسمه تعالى سلام عليكم -- -- -- موشح -- -- وين عازم عالسفر يحسين وين -- روح ودعّ فاطمه بدمع وأنين -- روح لمك فاطمه قبل المسير -- وگلها هم اوداعچ ابگلبي چبير وأدري يمّه علم عنچ باليصير -- لاچن الله يمّ حسن هوه المعين -- بچت عين الكعبه لوداعك تهل -- شافتك يحسين رايد ترتحل تدري ماشي خطر دربك مو سهل -- شلون لو لرض الوطن عاد الحنين -- وين رايح تگطع ادروب السفر -- أشلون بيك الوكت لوخان وغدر ياحسين اهناك چن ارض القدر -- اي وحق ضلع امك وذاك الجنين -- تعتمر رايد وتظعن بالضعن -- مو خواتك لو مشن يتروعن ياحسين او بالدرب يتصدعن -- فوگ ظيم الوكت وأحزان السنين -- روح يم جدك ابدمعك ودعه -- ونتّك يحسين اگعد سمعّه وخبره ياجد للظلم مابايعه -- ولا أمد للذله ياجد الادين -- سولف الجدك محمد بالتريد -- خبره أرد اعلن جهادي ضد يزيد لو يكلفني يجد دم الوريد -- ودم أخوتي او تنذبح كل البنين -- سيد عدنان الحمامي |
اللهم صل على محمد وعلى آله الطيبين الطاهرين السلام عليكم ورحمة الله وبركاته طيب الله انفاسكم وادام توفيقكم شكرا على النقل الموفق |
بارك الله بكم وجزاكم الله الف خير
على المشاركة المميزة لكم مني كل الشكر والتقدير اخوكم |
موفق سيدنا
الله لايحرمنا من قلمكم الولائي بحق قائم ال محمد اللهم اجعلنا من خدامهم |
| الساعة الآن 07:10 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010