|
--- وين ابمسيرك يحسين -- من ودعت اوطانك ------ للمسير وخروج الضعن
بسمه تعالى سلام عليكم اسئل الله لكم ولنا العافيه لمواصلة هذا المشوار النبيل في خدمة محمد وال محمد ص -- -- -- المستهل -- وين ابمسيرك يحسين -- من ودعت اوطانك -- يحسن وين ابسفرتك -- كل الحراير وياك ودعت المن ودعت -- ودموع تهمل عيناك هاي اظن للزهره رحت -- تودعها وبچيت اهناك اشگالتلك أبقه بالوطن -- شسولفت يحسين اوياك هيجت كسر الضلعين -- من ودعّت اوطانك -- يحسين لمك فاطمه -- هم سولفت وين اتريد گلتلها اعلن نهضتي -- لجل الشرع ضد ايزيد گلتلها للذله ابد -- يالزهره ما مدّ الايد لو كل اخوتي اتذبحت -- وآنه يگطعولي الجيد او بچيت للزهره العين -- من ودعت اوطانك -- والگبر جدك مارحت -- يولا يبو اليمه اتروح لابد تبين له الوضع -- وتخبره دينك مجروح وشرعك يسلطان البشر -- والعدل والحگ مذبوح ورايدني ياجد انتفض -- وقربان اقدمله الروح والنهضه من اجل الدين -- من ودعّت أوطانك -- يحسين وبمكه اشلون -- تعتمر وتطوف البيت آخر طواف أصبح الك -- وگبل اليحجها حجيت ماردت للدم ينسفك -- بيها المسيرك لبيت وظعنت باهلك واخوتك -- الساحة كفاحك ومشيت درب النصر تدري امنين -- من ودعت اوطانك -- درب الجهاد ابمسلكك -- تسلك طريق الثوار ونويت تگطع هالدرب -- لو ينفرش دربك نار اتخلد تريد اعظم درس -- وجامعه اتخّرج احرار يحسين ماناهض نهض -- مثلك ولاثاير ثار الساحة جهادك لاوين -- من ودعت اوطانك -- يحسين وبسوح الشرف -- قدمت دمك قربان وبگطع نحرك والدمه -- منهج محمد ينصان لو ماتجود بهل النفس -- وراسك يرتل القرآن لادين ظل ولاشرع -- وردوا يعبدون اوثان لاچن ابدم الطيبين -- من ودعت اوطانك -- سيد عدنان الحمامي |
اللهم صل على محمد وعلى آله الطيبين الطاهرين السلام عليكم ورحمة الله وبركاته طيب الله انفاسكم وادام توفيقكم |
طيب الله انفاسك مولاي وجزاكم الله الف خير
|
موفق سيدنا
الله لايحرمنا من قلمكم الولائي بحق قائم ال محمد اللهم اجعلنا من خدامهم |
| الساعة الآن 10:49 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010