ولادة العباس ع... أفراح شعبان
 

هلا بميلادك يسبع الكنطره
.
فرحي يادنيه بفرحنه وهلهلي
اليوم عامر بالفرح بيت الولي
هلابميلادك يبن حيدر علي
هالفرح كل دار كون يحظره
.
.
ياهلا بام البنين الجابتك
شبل من الأسد الها رادتك
للحسين اليوم هيه نذرتك
دارها بجيتك اليله عامره
.
.
صاگر الفرسان هاليله نولد
حقنه نفرح بيك ياشبل الاسد
للشدايد ذاخرك حيدر بعد
وحدك الجيش الاعداء اتحيره
.
.
الفرح من الكاظميه الكربله
نهني بيك حسين ابن عقد الوله
حله بيك الفرح اي ولله حله
منو بهذا الفرح ياهو المادره
.
.
صوت فرحتنه بجماله ينسمع
وحتى شاركنه بفرحنه هالجمع
للولاء الصوت اسمع يرتفع
للموالي انته گُرة ناظره
.
.
الف هنياله الذي يفرح الك
الحرب انته بالف فارس عادلك
لودنه الفارس لعد سيفك هلك
بيده كبره اللي اجاك يحظره
.
.
أمن الجوادين التهاني الوالدك
نهني حيدر* يعباس بمولدك
وامك انهنيها بيك الولدتك*
انچانه قصرنه* نرجو المعذره
.
سيد عدنان الحمامي