|
عمت عين المتبجي اعليج -- يم الحزن يالكبره
عمت عين المتبچي اعليچ --- يم الحزن يالكبره حملتي كل دواهي السود --- وگلبچ ما خلص صبره 000000000000000 حملتي الماتحمله اجبال -- ياصبر المثل صبرچ ياگلب الخزن لوعات -- يازينب مثل گلبچ شمصعبها الرزايا اعليچ -- نهظتي ولا حنت ظهرچ يتيمه من زغر سنچ مامال الحزن عنچ يحره ولاسكن ونچ من يوم الضلع بالباب -- كسروا لمچ الزهره 000000000000000000 من يوم امچ الزهره -- عن عينچ بدرها غاب بعدچ بالثياب السود -- وگلبچ ينفجع بمصاب يوم الصابوا الكرار -- ابوچ وطاح بالمحراب امصاب امچ گبل شفتيه وابوچ النوب ودعتيه ثاني امصاب وحملتيه جرحين ابدليلچ صار وبيه تتواگد الجمره 000000000000000000 ظلت جمرت الاحزان -- تتواگد ابدلالچ بنيتي عالحسن وحسين -- يزينب صرح امالچ لن غيمة النكبه اتعود -- وچبد ابن امچ اگبالچ اينازع للحسن شفتيه من شدة اصواب البيه طحتي اعليه واحضنتيه يخويه اصواب البچبدك -- اظنه بعد مايبره 000000000000000000000 گبل ميودع الدنيه -- اخوچ الحسن وصالچ گمر هاشم ودگ صدره -- شحده الينظر اخيالچ اخوچ اتوزم بامرچ -- عزيزه وگام يبرالچ لاچن من عزم عالراي ابطف كربله ايجيب الماي صحتي من عمت عيناي من طاح العلم والجود -- وحسين انكسر ظهره 0000000000000000000 ظهري انكسر ياعباس -- صاح ابن امچ اتسمعين شلون بهل المصيبه اشلون -- من شفتي وحيد حسين يزينب صعب هالموقف -- هم حيل البگه اتحملين ونتي واگفه اگباله وگام ايودع اعياله وسلم بيدچ اطفاله شگال الگلب ساعتها -- يزينب من طلب مهره 00000000000000000000 ركب مهر المنيه حسين -- يزينب لازم ايودعچ يبن امي ندهتي اعليه -- ومن عينچ يهل دمعچ يخويه خل اشم نحرك -- تگليله بوصية امچ وحيلچ راح ويه حسين والجيته شبحتي العين ومن رد المهر بالحين نشد تي وگال يازينب -- ابو اليمه انگطع نحره 00000000000000000 يزينب عگب ذبح حسين -- حريمه لاذن ابكترچ وگمتي اتشاگفين السوط -- يحره عنهن ابمتنچ چم طفله التصبريها وچم -- طفل الشبگ صدرچ وبضلچ سكن روعه بعزمچ نشفت ادموعه يزينب ونتي مفجوعه بياعين النظرتي اهلچ -- كلها امذبحه عالغبره 000000000000000 كلها امذبحه ورحتي -- يزينب تنزف اجروحچ وراس حسين والعباس -- جدامچ خذن روحچ ولا هاد الگلب ونه -- ولا منچ بطل نوحچ لچنچ شامخه بعزمچ حويتي كل سجايا امچ وحچي الشمات ما همچ يوم اوگفتي بالمجلس -- وللظالم صفت عبره --- سيد عدنان الحمامي |
اللهم صلّ على محمد وآل محمد وعجل فرجهم الشريف ’، السيد عدنان الحمامي’، http://up-14.com/uploads/d67daf1543.jpg بارك الله فيك على الطرح الحسيني المبارك وجزاك الله كل خير وجعلك الله من المعزين الذين يشفع الحسين عليه السلام لهم يوم لا ينفع مال ولا بنين دمت على خطى الآل |
تسلملي ياغالي
اسئل الله ان يجعل الستر والامان والعافيه من نصيبكم ان شاء الله شكرا لمرورك الطيب نهر العلقمي وربي يرعاكم ويخليكم تحياتي ودعائي |
احسنت كثيييييييييييييير سيدنا الغالي وربي يتقبل منك يااغالي
ابداااع سيدنا ونورتنا بنورك الهاشمي الأصيلي وربي يحفظك من كل سوء وموفق لكل خيييير وسئل الله العلي القدير ان يوفقك في خدمة محمد وآل محمد ص ولاتنسانه من دعائك بتوفيق في خدمة محمد وآل محمد ص في حضرة الكاظمين ع تحياتي ودعائي لجانبك الغالي ربي يحفظك من كل سوء |
طيب الله انفاسك الزكيه مولاي
وفقك الله في الدنيا ولاخره تحياتي واحترامي |
كتبت فأبدعت
ابجدية نقشت بأسلوب راقي وفكر مستنير وأسلوب عذب مميز . سلم لنا بوحك الصادق وسلم لنا نبض قلمك ونبض احساسك .. اصفق بحرارة على اسلوبك الحر المميز . تقبل أرق وأطيب تحياتي |
جزيتم خيرا وبارك الله فيكم
|
| الساعة الآن 11:13 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010