وفاة الامام علي ع اعگيلي.. لمك عزه
 

.عكيلي لمك عزه
.
المستهل
.
زينب وتودع والدها.. شكبره مصاب الليله العدها
.
زينب هالليله بيا حاله.. حيدر عنها ايغيب اهلاله
بدمعات العين الهماله.. تصفگ وسفه براحة يدها
زينب وتودع والدها
.
.
جبريل اتسمعه من كبر... بالمحراب اتصوب حيدر
تخضب شيبه الله أكبر.. والنوح الليله امواعدها
زينب وتودع والدها
.
.
مصاب الثاني بعد الزهره.. حيدر شافت ودع عمره
گلب ابنيته شراح ايصبره.. عگب أمها زينب وحدها
زينب وتودع والدها
.
.
يواسون الزينب اخوتها.. وهيه للزهره ايتيمتها
مظلومه ماتت شافتها... ماراعوا حرمات الجدها
زينب وتودع والدها
.
.
وحسين اخته يصبر بيها.. تتواسه اوياه ويواسيها
بهل الفجعه اللي مرت بيها... من تبجي حسين يشاهدها
زينب وتودع والدها
.
.
الله وياك تودعه بحسره.. مكسورة خاطر وتنظره
كسر افراگک بيش اتجبره.. للنوح فراگک رايدها
زينب وتودع والدها
.
.
سيد عدنان الحمامي

بسم الله الرحمن الرحيم

اللهُم صلِّ على محمد وآلِ محمد وعجّل فرجهم الشريف يالله ياكريم


السلام على امير المؤمنين .. السلام على الشجاع المظلوم ، السلام على سيد المتقين ، السلام على يعسوب الدين ، السلام على الطهر المطهر .. السلام عليهِ يوم ولد ويوم اُستُشهِد ويومَ يُبعثُ حيا



طيب الله أنفاسكم بطيب ذكر أمير المؤمنين عليه السلام ..
جزيتم خيراً ..

وفقكم الله لكل خير وسدد خطاكم ببركة وسداد أهل البيت عليهم السلام

ربي يبارك فيكم ويرزقكم خير الدنيا وخير الاخره آن شاء الله