:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قصائد للعليلة ولرقية عليهما السلام (http://www.adnanalhamame.com/vb/forumdisplay.php?f=60)
-   -   العليله ع (http://www.adnanalhamame.com/vb/showthread.php?t=13045)

سيد عدنان الحمامي 08-24-2022 01:34 PM

العليله ع
 
للعليله
......
من راح ابويه بهل السفر ... كل ليله أحسبها دهر
يابويه فرگاك شمصيبه ... بعدك اظل مثل الغريبه
........
طفله وعليله وكل هلي عني يبعدون
لا أبو لا أم لا أخو وبعلتي يدرون
ما أدري وين بهل السفر أحبابي يرحون
زغيرة عمر وفراگهم لا ولله ميهون
يالخذت وياك العمر ... زغيرون گلبي أعله الصبر
شحال الذي يودع حبيبه ... بعدك أظل مثل الغريبه
......
نجمه اعله نجمه گمت أعد ليل الاسهره
بعيوني دنيه ومظلمه ومابيها گمره
واللي يفارگله أبو صعبه شيصبره
زحمه حياة أبلا أبو لو ماتنظره

ظنه لبويه منعمه ... عنده عزيزه فاطمه
منين الصبر بويه أجيبه ... بعدك اظل مثل الغريبه
........
ودعوني اخوتي الياكتر ما أدري لاوين
عيني أعله الأكبر ليه أصد ويصدلي بالعين
الصدره شبگني وباسني وگلي لتبچين
اعزيزة أخوتچ فاطمه وعزيزة حسين
ودعته بدموعي التصب ... من صدري چن طاح الگلب
الاكبر يموتني مغيبه ... بعدك اظل مثل الغريبه
.....
عبد الله بويه خل يظل بالدار يمي
عني يخفف وحشتي ويجليلي همي
لا أخت ويايه بعد لاتظل أمي
وياك ابو فاضل حده بالضعن عمي
عماتي كلهن بالضعن ... آخر وداع أتوادعن
جمر الحزن يسعر لهيبه ... بعدك أظل مثل الغريبه
....
كلهم عمامي بالسفر يابو علي أوياك
ماتسوه دنيه أبلا ابو من بعد عيناك
ياسبب عني بعدتك يالغالي دنياك
صورتك بعيوني تظل مالحظه أنساك
فراگ الاهل ماينحمل ... عالبت يبويه مو سهل
مايسكن بگلبي نحيبه ... بعدك أظل مثل الغريبه
.....
يحرمني من أهلي الوكت ياذنب عندي
طفله وعليله بالمرض وبداري وحدي
روحي خذوها من مشوا أي وحگ جدي
بلچن أبويه لو وصل طارش يودي
وياه اروح الكربله ... ويلتم شملها العايله
دار الدهر بينه عجيبه ... بعدك اظل مثل الغريبه
....
سيد عدنان الحمامي


الساعة الآن 12:44 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team