|
قصيدة(غريبه وطاح حملي وضاعت احلامي)
غريبه وطاح حملي وضاعت احلامي اظل للموت اصيحن حركوا اخيامي ____________________ نيران ما انساها للموت ما انساها ____________________ نار بكل كتر واهل الخيم صرعى يروحي شلون واهل الغدر منجمعه همي الزاد اريد الكافلي فزعه تره ايتامك يخويه اليوم كدامي ____________________ تراني من الزغر ياناس محرومه ادوّر الفرح شو ضاعت انجومه امس ضلع الزجيه اليوم مهضومه ناحت يالبدر هاليوم ايتامي ____________________ غداً ويه الضعينه الخاطر ايريدك حلم والحلم ياهالكلب شيفيدك جنت اغفه وانامن ياكمر بيدك الدرب باجر صعب وتضيع احلامي ____________________ يروحي شلون واهل الغدر هالدارت عله ايتاماي نار الخيم هالصارت دمعي السال روحي الكافلي سارت الحمل باجر كلف وتزيد الامي ____________________ يخويه شلون باجر من ينادوني يتامه حسين وادري يعمن اعيوني همي الزاد خويه وضاعت اظنوني هاي اني يخويه الطاحت اخيامي ____________________ اني اختك يعباس انكسر ظهري عكب عينك انه اللي حايره ابدهري سهم عينك يبدري ضيّعه العمري هاي اني يخويه الضاعت ايامي __________ بقلم الشاعر عبدالله العتابي |
القبول ان شاء الله
والتوفيق في خدمة محمد وال محمد ص احسنتم ووفقتم ان شاء الله |
اقتباس:
الاخ العزيز الناشر ارجو قبل ان تنشر او تنقل قصيدة لشاعر تذكر اسمهُ لان الشاعر هو مظلوم في هذه الساحه الحسينيه وهذه القصيده ليست لعبدالاله العتابي انا اعلم بانها لشاعر آخر ولكن الاخ الشاعر بدّل بعض الكلمات والقوافي منها لتصيح غير معلومه وهذا غيرجائز شرعياً والشعراء الكبار الفطاحل اذا حدث مثل هذا الامر يقولون بانه (( سرقه ادبيه)) وعذرا على الاطاله فذكر ان نفعت الذكرى |
| الساعة الآن 09:45 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010