#لشهادة_السيدة الزهراء_ عليها السلام
------------------------------
ياحامي الشريعه
خذ ثــــار الوديعه
ينتظرك يـــالغايب تطلب ، ثــــاراته الضلع
ماهادت من ونها الزهره ، يالمهدي استمع
ياحامي الشريعه
ياحامي الشريعه
@@@@
وينه گبرها بالارض ، لو شـــــالته اعيون السمـه
لو لمّه عرش الله ابحزن ، متخضب ابفيض الدمه
لو نصبوا شباچه ابعدن ، طه يطوفه و يلثمــــــه
هل الدمع دم محجره ، يبچي ابألم وا فــــاطمه

الله اشهالرزيـــــه
من خانوا الوصيه
لا وفّوا عهده ولا وفّوا ، اجره اهــل الغدُر
تلفيه البضعه بالسطره ، وضِلْع المنكسُر
ذوله اهل الخديعـه
يا حامي الشريعه

@@@@@

ضلع الي متصوب غدر ، ياما على احبابه عطَف
بالباب واثجيل الوزن ، فوگ الصدر صكّ اورجَف
تبچي المصابه كربله ، ونـــاحت إله ارض النجّف
نصبت إله الشام العزا ، متخضبه ابدمــه النزَف

هاي ارض المدينه
مهضومه اوحزينه

ناحت بغداد اوسـامره ، ومـــشهد تنتحب
بيت الله انهزت اركانه ، اوزمزم مضطرِب
والكل ابفجيعـــــه
ياحامي الشريعه

@@@@
عندك رسول الله خبر ، شللي على الزهرا جره
دار التقى وباب الهدى ، ابنار الضغينه اموجره
لاذت ورا الباب الطهر ، من هجمت اشرار الوره
لنّ اعصروها ابلا رحم ، منها الضلوع امكسره

محسن بيها لوعه
مهشومه ضلوعه

مسمار النابت بحشاها ،، وبالروح استقر
يــابوها كلش آذاهــــــا ،، وآذاك الخبر
سطروها الوديعه
ياحامي الشريعه
@@@@
عاشت ليـــــــاليها ابقهر ،، تخفي المها اوبس تون
تخفي من السطره الاثر ،،لا ينظر الها بو الحسن
جنب الي من ضرب العبد ،، منّ الالم لا مــاسكن
هل مر على بنت النبوه ،، ابيا شريعه ابيــــا سُنن

حتى من بچيها
ذوله مـانعيهــــا

بيت الاحزان اوشجرتها ،، قطعهوها العده
ع الگوم الغصبوها حگها ،، مـــاتت واجِدَه

محزونه الطبيعه
ياحامي الشريعه

@@@@
مـــاتت مُهِجْتَه المصطفه ،، اوودعها حيدر بالهضم
يمّه الحسين اويه الحسن ،، بعيونُهم دمعـة يتـــــــم
وامــــا العقيلـه تنتحب ،، تسأل على الحظن اليظم
راح الحنان اويا العطف ،،بس ظل دمعها المنسجم

راحت امها راحت
والها الدنيه ناحت

بس ظلت إلهم ريحتها ،، بالدار اوصور
ومسمار الباب الصوبها ،، ومن دمها أثر

هالحاله الفضيعه
ياحامي الشريعه

@@@@
ياصاحب الثار العجل ،، ملينا من طول الصبر
يمته يغايب طلعتك ،، تطلبهــا ثـــــارات الكسر
ندري يمهدي مهجتك ،، مولانــــــا ملتهبه جمر
الله يعينـــــــه سيدي ،، تنتظره ثـارات اشكثر

من سيفك تسلّه
والناصر لك الله

من تطلب يالمهدي ثارك ،، انته المنتصر
لا طاغوت اليوصل حدك ،، لا جبت وشمُر

وتملك هالوسيعه
ياحامي الشريعه
---------------------
ثامر بوجبارة الاحسائي