سّلـّـم .. يـجـناح الدمعه .. طـاير .. من غصن العين
أجمــل .. شعر اللي ايطبعه .. دمعك .. فـوق الـخـدين

يحسين يحسين .. يحنين الـــعــين
يحـــنــين العين .. يحسين يحسين


طاير من غصن عيني .. اجناحك قلبي واحساسه
جنـك يا دمـع شاعر .. تايـه عن أعـز ناسـه
دوّر في البـشر تلقى .. في كل ثاير أنــفـاسه
محبوبك يدمع الـعيـن .. ابكل حر مرتفع راسـه

ابماي الحزن.. روّي الجفن .. وسـلّم على المذبوح
واتـصـوّره .. فـي منحره .. فوق الجروح اجروح
واتأمّـلـه .. في كربـلا .. وعِيش العـذاب اوروح

روح ابحسرتك .. لأوجاع الخيم .. وعِيش ابدمعتك .. نـوبـات الألم
و روّي كل طفل .. ابناره يشتعل .. و سلّـم عالذي .. في قلبه السهم

سّـلـّـم .. يـــجــناح الدمعه .. طـاير .. من غصن العين
أجمــل .. شعر اللي ايطبعه .. دمعك .. فــــوق الـخـدين

يحسين يحسين .. يحنين الـــعــين
يحـــنــين العين .. يحسين يحسين

ارسم يـا دمِع لـوحه .. فوق الوجـنه تتصوّر
مشهد طفله مـذبوحه .. عــالجثة أبو الأكبر
وصدر الوالي من نوحه .. مثل الدمـعه يتكسّر
بيها فاضت اجروحه .. وضم الطفلـه واتحسّر

انهض إلـِـي ..يابـو علي ..يا والـدي يحسين
لبـنـيـّتـك .. من طيحتك ..قوم امسح الجفنين
أتـأمـلــك .. و أنظر إلك ..ما ليّه والله عين

تدري ابجـثتك .. يابويه اشجرى .. وقبلك مهجتي .. وروحي امهبّره
وعيـني يالولي .. اعليك امحـيّره .. وآملي دمع .. عـلحالك جـرى


سّـلـّـم .. يـــجــناح الدمعه .. طـاير .. من غصن العين
أجمــل .. شعر اللي ايطبعه .. دمعك .. فــــوق الـخـدين

يحسين يحسين .. يحنين الـــعــين
يحـــنــين العين .. يحسين يحسين


سلّم يـادمع سلـّم .. كلما تجري عالغـالي
واذكـر وانته متألم .. اشلون اتـألم الوالي
واذكر صدره متهشّم .. و راسه بالرمح عالي
واذكر ثغره متبسّم .. ابوجه الموت اوما ايبالي

سلّـم على .. دمّه الجرى ..وعالمـنحره الهمّاي
وعالدمعتـه ..المتحيّره ..بــيـن الخيم والماي
فوق السهـم ..يوقع سهم .. فـدوه لدمّه ادماي

سلّم عالظما .. وروحه امألمه .. وجسمه الـ بالثرى .. وراسه الـ بالسما
سلـّم عالـنبي .. وعـظّم له الأجر .. وسلّم عالـ علي .. ودمـعة فاطمه


سّـلـّـم .. يـــجــناح الدمعه .. طـاير .. من غصن العين
أجمــل .. شعر اللي ايطبعه .. دمعك .. فــــوق الـخـدين

يحسين يحسين .. يحنين الـــعــين
يحـــنــين العين .. يحسين يحسين