:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قصائد القاسم وعلي الاكبر ع (http://www.adnanalhamame.com/vb/forumdisplay.php?f=63)
-   -   للقاسم ع.. الك يشتد حنيني.. جاسم الغالي (http://www.adnanalhamame.com/vb/showthread.php?t=12450)

سيد عدنان الحمامي 03-20-2021 04:10 PM

للقاسم ع.. الك يشتد حنيني.. جاسم الغالي
 
في حق القاسم ابن الحسن(ع)
----------
المستهل
----------------
الك يشتد حنيني....جاسم الغالي
ردت سالم تجيني....ضاعت امالي
طفوا عيني يالوحّيد....شمعتك من طفوها
.................................................. .......
وين عني رحت.... يبني لاتبتعد
انته عمري الذي....بيه ردت انسعد
من اظل انتظر....يمته لمك ترد
سهم فگدك مضه....گطع يبني الچبد

امك حزينه يالغبت....وحيد يجاسم الها
بالطف عسن لاصجت....هالطف حياتي ايسلها
كسرگلبي شيجبره....يالغبت عني
بعد حالي شيصبره....وبالگلب وني
يجاسم من عسن روحي....كبل روحك خذوها

.................................................. ....

صوت حزني الك....يالولد يعتلي
صبري يبني انهدم....وحگ جدك علي
بعد ابوك الحسن....صرت والي الي
ابشوفتك ابتهج....والتعب ينجلي

يوليدي حضرت الشمع....هاي الصواني اوحنه
ابدال الفرح صارالدمع....حسبالي بيك اتهنه
بعد لوردت اشوفك....وين يوليدي
اروح امشي واعوفك....يبني مو بيدي
عذر عندي عكب عينك....اجوا لمك سبوها
.................................................. ...

يبني منك ردت....الصبري آخذ صبر
هالظعن من يجي....المصرعك من يمر
أنعيتك ابدمعتي....امشي وانه ابيسر
عنك انه رحت....مابگه كل عذر

وياك اجيت الكربله....اما منه يجاسم يبني
عالهزل عنك راحله....ليش الوكت خيبني
عمت عين الليالي....البيك تفجعني
اروح ابغير والي....لو حده ضعني
چنت لمك أخو انته --- يالوحّيد وابوها

-----------------------

بالصواني شفت....بالحزن حنتك
اعليك حتى بچت....ابلارحم شمعتك
لئن يبني صفت....ابمصرعك زفتك
بچت عين الذي....منصرع شافتك

متگوم لمك تلتفت....ماعندي غيرك والي
بعيوني ميته اولاشفت....مذبوح يبني اگبالي
دگوم اوباصر امك....شوفها اشبيها
اجت مذهوله يمك....گوم حاجيها
يجاسم امك ارحمها....عگب عينك ولوها
.................................................. .....

يمي عمك اجه....بالجفن دمعته
ناده يبني اسمعت....انحرم من زفته
طاح وسط العدو.... سيوف وتولته
اهدعش عام العمر....وانذبح هالفته

عمك حملها الجثتك....للخيمه يبني جابك
طلعت رقية شافتك.... بالدم يصير اخضابك
بچت سكنه اورقيه....اعليك بچني
صفگت وسفه ابأديه....صحت واسني
انذبح ابني بلا راسه....مشوا جثته لگوها
.................................................. .

ليك عمتك اجت....اعليك تجري الدمع
صوت ون الگلب....امن الگلب ينسمع
تصيح شبل الحسن....ليش بي انفجع
شاهدت طبرتك....چالشمس من تشع

يوليدي تضوي چن گمر....شافتك هاي اعيوني
يحرمني منك هالدهر ....بيك العده فجعوني
عزيز اومن فكدته....ينكسر ظهري
بعد صبر الصبرته....ضيعت عمري
اشوف اسهام بالجثه ....اشكثر يبني رموها
------------------
سيد عدنان الحمامي


الساعة الآن 03:35 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team